साताऱ्यात कराड उत्तर आणि दक्षिणमधील बड्या नेत्यांचा भाजपमध्ये प्रवेश
सरपंच, उपसरपंच आणि सहकारी सोसायटी सदस्यांनी कमळ घेतलं हाती
प्रदेशाध्यक्ष रवींद्र चव्हाण यांच्या उपस्थितीत पार पडला पक्षप्रवेश सोहळा
साताऱ्यात भाजपची ताकद वाढली
आगामी स्थानिक स्वराज्य संस्थांच्या निवडणुकीच्या तारखा जाहीर करण्यात आल्या आहेत. या निवडणुकीसाठी आज निवडणूक आयोगाने पत्रकार परिषद घेत निवडणूक कार्यक्रम जाहीर केला. निवडणुकीची घोषणा होण्यापूर्वी साताऱ्यात मोठी राजकीय उलथापालथ झाली आहे. साताऱ्याच्या कराड उत्तर आणि कराड दक्षिण मतदारसंघातील अनेक बड्या नेत्यांसह कार्यकर्त्यांनी मोठ्यासंख्येने भाजपमध्ये प्रवेश केला. त्यामुळे निवडणुकीपूर्वी कराडमध्ये भाजपची ताकद वाढली आहे.
भाजपचे प्रदेशाध्यक्ष रवींद्र चव्हाण यांच्या उपस्थितीमध्ये मोठा पक्षप्रवेश सोहळा पार पडला. कराड उत्तर आणि कराड दक्षिण मतदारसंघातील ग्रामपंचायत सरपंच, उपसरपंच, सदस्य यांनी मोठ्यासंख्येने भाजपमध्ये प्रवेश केला. त्याचसोबत अनेक सहकारी सोसायट्यांमधील सदस्यांनी देखील भाजपचे कमळ हाती घेतले.
कराड दक्षिण मतदारसंघातील सैदापूर ग्रामपंचायत सरपंच फत्तेसिह धनाजीराव जाधव यांच्यासह उपसरपंच अनिल जाधव, दत्तकुमार देसाई, रमेश जाधव, शरद जाधव, सिताराम जाधव या सर्वांनी भाजपमध्ये प्रवेश केला. तर कराड उत्तर मतदारसंघातील ग्रामपंचायतीमधील सरपंच आणि सदस्यांनी देखील भाजपमध्ये प्रवेश केला. यामध्ये विलास माने, देवदत्त माने, उमेश साळुंके, विवेक साळुंके, कृष्णजीत बर्गे या सर्वांचा समावेश आहे.
भाजप प्रदेशाध्यक्ष रवींद्र चव्हाण यांनी यावेळी बोलताना सांगितले की, 'कराड उत्तर आणि दक्षिण या दोन्ही मतदारसंघामधील सरपंच आणि उपरपंच तसंच वेगवेगळ्या सहकारी सोसायट्यांममधील कार्यकर्त्यांनी भाजपमध्ये प्रवेश केला. आपल्यासारखे सामाजिक बांधिलकी असणारी आणि वर्षानुवर्षे आपल्या भागातील नागरिकांशी नाळ जोडली आहे असे सर्वजण देशाचे पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाला प्रेरित होऊन पक्षामध्ये येत आहेत. त्यावेळी खऱ्या अर्थाने एक वेगळ्या प्रकारचा आनंद होतो. सर्वांना विश्वास देतो की आपल्या विश्वासाला तडा जाऊन देणार नाही आम्ही सर्वजण तुमच्यासोबत आहे.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.