Satara Crime News : कुख्यात गुंडांना संपविण्याचा झाला प्रयत्न, न्यायालय परिसर हादरला; सातारा पाेलिस दल सतर्क

Wai News : सातारा जिल्ह्यातील वाई तालुक्यात आज (साेमवार) दाेन युवकांवर गाेळीबार झाला. वाई शहरात मध्यवस्तीत घटना घडल्याने एकच खळबळ उडाली. या घटनेनंतर पाेलिसांनी ठिकठिकाणी नाकाबंदी केली आहे. (Maharashtra News)

कुख्यात गुंड अनिकेत उर्फ बंटी नारायण जाधव (राहणार- भुईंज) आणि निखिल माेरे व अभिजीत शिवाजी मोरे (राहणार- गंगापुरी, वाई) यांच्यावर आज वाई न्यायालय परिसरात गोळीबार झाला.

या तिघांना मेणवली (ता. वाई) येथील हॉटेल व्यावसायिकाला दहा लाख रुपयांच्या खंडणीची मागणी करून दरोडा टाकल्याप्रकरणी पोलिसांनी कळंबा कारागृहातून नुकतीच अटक केली हाेती.

त्यांना न्यायालयाने दोन दिवसांची पोलिस कोठडी सुनावली हाेती. आज त्यांच्यावर न्यायालय परिसरात गाेळीबार झाला. या घटनेनंतर न्यायालय परिसरात मोठा पोलिस बंदोबस्त लावण्यात आला. प्राथमिक माहितीनूसार गाेळीबार केल्याप्रकणी पाेलिसांना दाेघांना ताब्यात घेतले आहे.

Edited By : Siddharth Latkar