'प्रशांत अन् डॉक्टर तरूणीचे संबंध' Whatsapp Chatsमधून पोलिसांच्या हाती धक्कादायक माहिती

SP Tushar Doshi Confirms Link Between Doctor and Accused: पोलीस अधीक्षक तुषार दोषी यांनी डॉक्टर तरूणीच्या आत्महत्या प्रकरणात धक्कादायक खुलासे केले आहेत. पोलिसांकडून अधिक तपास सुरू आहे.
SP Tushar Doshi Confirms Link Between Doctor and Accused
SP Tushar Doshi Confirms Link Between Doctor and AccusedSaam
Published On

अक्षय बडवे, साम टिव्ही

साताऱ्यातील फलटण येथील डॉक्टर तरूणीनं आयुष्य संपवलं. गुरूवारी हॉटेलमध्ये आयुष्याचा दोर कापला. या प्रकरणी डॉक्टर तरूणीनं हातावर लिहिलेल्या सुसाईड नोटवरून पोलिसांचा तपास सुरू आहे. तळहातावर लिहिलेल्या सुसाईड नोटमध्ये डॉक्टर तरूणीने पोलीस उपनिरीक्षक गोपाल बदने आणि प्रशांत बनकर यांच्यावर गंभीर आरोप केले आहे. आरोपानुसार, पोलिसांनी प्रशांत बनकरला पहाटे पुण्यातील फार्महाऊसवरून ताब्यात घेतलं. आरोपी प्रशांत बनकरला ताब्यात घेतल्यानंतर सातारा पोलीस अधिक्षक तुषार दोषी यांनी महत्वाची माहिती दिली आहे.

डॉक्टर तरूणीच्या आत्महत्या प्रकरणात सातारा पोलीस अधीक्षक तुषार दोशी यांनी साम टिव्हीच्या प्रतिनिधींना महत्वाची माहिती दिली आहे. पीडित डॉक्टर तरूणी आणि प्रशांत बनकर या दोघांमध्ये संबंध होते, अशी माहिती तुषार दोशी यांनी दिली. 'तपासानंतर प्रशांत बनकरला ताब्यात घेण्यात आलं आहे. सध्या दुसऱ्या आरोपीचा शोध सुरू आहे. डॉक्टर तरूणीने पोलिसांकडे तक्रार दाखल केली नव्हती, अशी माहिती पोलीस तपासातून निष्पन्न झाली आहे', अशी माहिती तुषार दोशी यांनी दिली.

SP Tushar Doshi Confirms Link Between Doctor and Accused
Satara Crime : 'दादा' म्हणायची, त्याला प्रपोजही केलं, महिला डॉक्टर बलात्कार प्रकरणात आरोपी बनकरच्या बहिणीचा धक्कादायक दावा

'पीडित डॉक्टर तरूणी आणि प्रशांत बनकर यांच्यात संबंध होते. त्यानंतर दोघांमध्ये वाद झाले. चॅटिंगमधून बनकर आणि डॉक्टर तरूणी यांच्यात संबंध होते हे निष्पन्न झालं आहे', अशी माहिती पोलीस अधीक्षक तुषार दोषी यांनी दिली. 'या प्रकरणी पीएसआय गोपाल बदने यांचा काय सहभाग आहे? पीडित डॉक्टर तरूणी आणि पीएसआयचे काय संबंध होते का? याचा तपास सुरू आहे', अशी माहिती तुषार दोषी यांनी दिली.

SP Tushar Doshi Confirms Link Between Doctor and Accused
आत्महत्यापूर्वी महिला डॉक्टर हॉटेलमध्ये काय करत होती? टोकाचं पाऊल उचलण्यामागचं धक्कादायक कारण समोर

'डॉक्टर तरूणीचा मृत्यू हा गळफास घेतल्यामुळे झाला आहे, हे शवविच्छेदन अहवालातून समोर आलं आहे', अशी माहिती तुषार दोषी यांनी दिली. 'प्रशांत घर मालक आहेत. बनकर सॉफ्टवेअर इंजिनिअर असून, तो पुण्यात राहत होता. तर, डॉक्टर तरूणी मेडिकल ऑफिसर म्हणून कार्यरत होती', अशीही माहिती त्यांनी दिली. 'हॉटेलचे डिव्हिआर जप्त केला आहे. गुरूवारी २३ तारखेला हॉटेलची रूम बुक केली होती. दरवाजा उघडला नाही, म्हणून डुप्लिकेट चावीने दरवाजा उघडला', अशी देखील माहिती पोलिसांनी दिली.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com