Satara Fire : धाड धाड धाड...! साताऱ्यात भर बाजारपेठत एकावर गोळीबार, परिसरात भीतीचे वातावरण

राज्यात गोळीबाराच्या घटना सुरुच आहे. काही दिवसांपूर्वी बीडमध्ये एका सरपंचने हवेत गोळीबार केला होता. बीडमधील गोळीबाराची घटना ताजी असताना आता साताऱ्यातही गोळीबाराचा प्रकार उघडकीस आला आहे. साताऱ्यातील शिरवळमध्ये एकावर गोळीबार झाल्याची घटना घडली आहे. शिरवळ पोलीस स्टेशनच्या हद्दीत घडलेल्या घटनेने परिसरात खळबळ उडाली आहे. पोलिसांनी या प्रकरणी कारवाईला सुरुवात केली आहे.

मिळालेल्या माहितीनुसार, साताऱ्यातील शिरवळमध्ये एकावर गोळीबार झाल्याची घटना घडली. दुचाकीवरून आलेल्या २ हल्लेखोरांकडून भर रस्त्यात गोळीबार करण्यात आला. भरदिवसा घडलेल्या घटनेने शिरवळ परिसरात भीतीचं वातावरण पसरलं आहे. गोळीबारात रियाज उर्फ मन्या इकबाल शेख जखमी झाला आहे. गोळीबाराची संपूर्ण घटना सीसीटीव्ही कॅमेऱ्यात कैद झली आहे.

जुन्या वादातून रियाजवर गोळीबार झाल्याची प्राथमिक माहिती हाती आली आहे. या गोळीबारानंतर बाजारपेठेतील लोक हादरून गेले. या गोळीबारानंतर शिरवळ पोलीस हल्लेखोरांचा शोध घेत आहेत.

बीडमध्ये सरपंचाचा गोळीबार

बीडच्या गेवराई तालुक्यातील रुई येथील सरपंचांकडून वाढदिवसानिमित्त एअर गनमधून हवेत गोळी झाडून दहशत पसरवण्याचा झाला. सरपंचाचा व्हिडिओ सोशल मीडियावर व्हायरल झाल्यानंतर प्रकार उघडकीस आला. या प्रकरणामुळे पोलिसांची वचक राहिली का, असं प्रश्न विचारले जात आहे. तर या सरंपचावर पोलीस काय कारवाई करणार, असा प्रश्न उपस्थित केला जात आहे.