आल्याच्या शेतात विक्रीच्या उद्देशाने चक्क गांजाची लागवड केल्याचा धक्कादायक प्रकार साताऱ्यामधून समोर आला आहे. सातारा तालुक्यातील खोजेवाडीमधील शेतकऱ्याचा हा प्रताप पाहून पोलिसही चक्रावून गेले. या प्रकरणी संबंधितास अटक करत पोलिसांनी 27 लाखाचा गांजा जप्त केला आहे. (Crime News In Marathi)
याबाबत सविस्तर माहिती अशी की, सातारा तालुक्यातील खोजेवाडीमध्ये (Khojewadi) लहु कुंडलिक घोरपडे यांनी आपल्या आल्याच्या शेतात गांजाची झाडे जोपासल्याची माहिती सातारा स्थानिक गुन्हे शाखेच्या (Satara Crime Branch) पोलिसांना मिळाली होती. या माहितेच्या आधारे पोलीस पथकाने शेतात जाऊन पाहणी केली.
यावेळी शेतामध्ये गांजाची झाडांची लागवड केल्याचे आढळुन आले. पोलीस पथकाकडून 18 गांजाची झाडे ताब्यात घेवुन त्याचे वजन केले असता ते 109 किलोग्रॅम इतके भरले. तसेच या जप्त करण्यात आलेल्या जगांजाच्या झाडांची किंमत 27 लाख 34 हजार 500 रुपये असल्याचेही सांगण्यात येत आहे. (Latest Marathi News)
या प्रकरणी संंबंधित शेतकऱ्यावर बोरगाव पोलीस ठाण्यात (Borgaon Police Station) गुन्हा नोंद करण्यात आला आहे. सातारा गुन्हे शाखेचे पोलीस निरीक्षक अरुण देवकर यांच्या मार्गदर्शनाखाली सहायक पोलिस निरीक्षक सुधीर पाटील, रवींद्र भोरे, उपनिरीक्षक पतंग पाटील, शिवाजी भिसे, राजू कांबळे, गणेश कापरे, अमित माने, ओमकार यादव, यांच्या पथकाने ही कारवाई केली.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.