Satara: महामार्गावर अपघाताचा थरार! रस्ता ओलांडणाऱ्यांना बसने चिरडलं, एकाचा मृत्यू; काळजाचा ठोका चुकवणारा VIDEO

Summary -

• भरधाव मिनी बसने रस्ता ओलांडणाऱ्यांना धडक दिली

• फलटण तालुक्यातील बरड येथे ही घटना घडली

• अपघातात एका व्यक्तीचा जागीच मृत्यू झाला, तर चार जण जखमी झाले

• बस चालकाचे नियंत्रण सुटल्याने हा अपघात झाला

ओंकार कदम, सातारा

साताऱ्यामध्ये भयंकर अपघाताची घटना घडली आहे. महामार्गावर रस्ता ओलांडणाऱ्यांना मिनी बसने चिरडलं. या अपघातामध्ये एकाचा जागीच मृत्यू झाला तर चौघे जण गंभीर जखमी झाले. ही घटना फलटण तालुक्यातील बरड येथे घडली. अपघाताचा हा थरार महामार्गाच्या कडेला असलेल्या हॉटेलच्या सीसीटीव्हीत कैद झाला. याचा व्हिडीओ व्हायरल होत आहे.

मिळालेल्या माहितीनुसार, फलटण तालुक्यातील बरड येथे मिनी ट्रॅव्हल बसला भीषण अपघात झाला. चालकाचे बसवरील नियंत्रण सुटल्यामुळे ही घटना घडल्याचे सांगितले जात आहे. या अपघातात रस्त्यावर उभा असलेल्या एकाचा मृत्यू झाला आहे. तर ट्रॅव्हल्समधील चार जण जखमी झाले आहेत. संत ज्ञानेश्वर महाराज पालखी महामार्गावर हा अपघात झाला. जखमींवर फलटण येथील रुग्णालयात उपचार सुरू आहेत.

अपघाताची ही घटना सीसीटीव्ही कॅमेऱ्यामध्ये कैद झाली आहे. पंढरपूरच्या दिशेने भरधाव वेगाने जाणाऱ्या या मिनी बसवरील चालकाचे नियंत्रण सुटलं. त्यानंतर मिनी बस थेट डिव्हायडरला जाऊन धडकली. यावेळी रस्ता ओलांडण्यासाठी २ जण डिव्हायडरच्या इथे उभे होते. त्या दोघांना मिनी बसने धडक दिली. या दोघांमधील एकाचा मृत्यू झाला. एक व्यक्ती बचावला. अपघाताचा हा संपूर्ण थरार सीसीटीव्ही व्हिडीओत दिसत आहे.