कणकवली : नितेश राणेंचा उल्लेख टाळत संताेष परब म्हणाले...!

सिंधूदूर्ग : माझ्याकडे जबाबदारी हाेती. ती अखेर पर्यंत पार पाडण्यासाठी मी आज मतदानाला आलाे आहे. या बॅंकेवर विद्यमान अध्यक्ष सतीश सावंत यांचा पुन्हा एकदा वरचष्मा राहील यात शंका नाही. ज्यांनी माझ्यावर हल्ला केला त्यांना शासन व्हावे यासाठी मी गेले दाेन दिवस न्यायालयात देखील उपस्थित हाेताे असे सहकार समृद्धीचे पॅनलचे प्रचार प्रमुख संताेष परब (santosh parab) यांनी नमूद केले. sindhudurg dcc bank election update

सिंधुदुर्ग जिल्हा बँक (dcc bank) निवडणुकीसाठी आज सकाळपासून मतदानास प्रारंभ झाला आहे. महाविकास आघाडीचे सहकार समृद्धी पॅनल सतीश सावंत यांच्या नेतृत्वाखाली तसेच भाजपचे सिद्धीविनायक पॅनल राजन तेली यांच्या नेतृत्वाखाली लढत हाेत आहे. यंदाच्या निवडणुकीत (election) केंद्रीय मंत्री नारायण राणे व आमदार नितेश राणे (nitesh rane) यांची प्रतिष्ठा पणाला लागली आहे. महाविकास आघाडीचे पॅनल प्रमुख व विद्यमान चेअरमन सतीश सावंत यांचीही प्रतिष्ठा लागली आहे. या निवडणुकीसाठीच्या मतदानाचा हक्क संताेष परब यांनी बजावला.

यावेळी माध्यमांशी बाेलताना संताेष परब म्हणाले ज्यांनी माझ्यावर हल्ला केला त्यांचे नाव आत्ता येथे सांगू शकत नाही. न्यायालयीन प्रक्रिया सुरु आहे. दरम्यान आज दुपारी आमदार नितेश राणे यांच्या अटकपुर्व जामीन अर्जावर निर्णय हाेण्याची शक्यता आहे. त्यामुळे राज्यातील राजकीय क्षेत्रातील नजरा काेकणाकडे लागल्या आहेत.

edited by : siddharth latkar