Santosh Deshmukh Case : मला आरोप मान्य नाही, कराड बोलला; न्यायाधीशांनी फटकारलं, कोर्टात नेमकं काय घडलं?

सरपंच संतोष देशमुखांच्या हत्येप्रकरणी अखेर कोर्टात आरोप निश्चित करण्यात आले... कोर्टात न्यायाधीशांनी वाल्मिक कराडला गुन्ह्याची माहिती दिली... मात्र वाल्मिकनं मध्येच आरोप मान्य नसल्याचं सांगितलं.... आणि कोर्टानं वाल्मिकला चांगलंच झापलंय... मात्र कोर्टात नेमकं काय घडलं..पाहूयात...

न्यायाधीश- हा गुन्हा कबूल आहे का?

कराड- मला आरोप मान्य नाही? मला बोलायचं आहे...

न्यायाधीश- तुम्हाला जेवढे विचारले तेवढे उत्तर द्या जास्त बोलू नको

कराड- मला राजकीय द्वेषातून या गुन्ह्यात अडकवण्यात आलयं...

न्यायाधीश- मी आधीच सांगितलंय.. विचारलं तेवढं उत्तर द्या, जास्त बोलू नको

कोर्टानं कराडला झाप झाप झापलं असलं तरी आता संतोष देशमुखांचा भाऊ धनंजय देशमुखांनी मात्र कराडला फाशी देण्याची मागणी केलीय..

दुसरीकडे विशेष सरकारी वकील उज्वल निकमांनी पुढील सुनावणी 8 जानेवारीला होणार असल्याचं स्पष्ट केलंय...

संतोष देशमुखांच्या हत्येनंतर पोलिसांनी न्यायालयात 1800 पानांची चार्जशीट सादर केली होती. त्यात ही घटना कशी घडली, नेमके कोणते पुरावे पोलिसांच्या हाती लागले? याचे तपशील दिले आहेत. त्यात मुख्य आरोपी म्हणून वाल्मिक कराडचं नाव आहे..

बीडच्या जिल्हा आणि विशेष सत्र न्यायालयाने आरोपपत्रातील आरोपांच्या पडताळणीनंतर आरोपनिश्चिती केलीय... मात्र यानंतरही क्रुरकर्मा वाल्मिक आरोप मान्य नसल्याचं सांगून बड्या बड्या बाता मारतोय.... त्यामुळे कोर्ट क्रुरकर्मा कराडला शिक्षा देऊन सरपंच संतोष देशमुखांच्या कुटुंबाला न्याय कधी देणार... याकडे राज्याचं लक्ष लागलंय...