Sanjay Raut : कसबा तो झाकी है,महाराष्ट्र अभी बाकी है...; आगामी निवडणुकीत किती जागा जिंकणार? संजय राऊतांनी थेट आकडाच सांगितला

Maharashtra Politics : कसबा आणि चिंचवड या दोन्ही निवडणुकांकडे संपूर्ण महाराष्ट्राचं लक्ष लागलं होतं. येथे आलेल्या निकलावरून आगामी निवडणुकांचे अंदाज बांधले जाणार होते. अशात कसब्यातील विजयावरून आगामी विधानसभा निवडणूकीविषयी संजय राऊत यांनी भाष्य केलं आहे.त्यांनी आगामी निवडणुकीत त्यांच्या किती जागा येणार याची थेट आकडेवारी सांगितली आहे. एकजूट असल्यास २०२४मध्ये महाविकास आघाडी २०० पेक्षा जास्त जागा जिंकणार आसा विश्वास खारदार संजय राऊत यांनी व्यक्त केला आहे. (Latest Sanjay Raut News)

'महाविकास आघाडी म्हणून आम्ही एकत्र राहिलो तर कसबाप्रमाणे निकाल लागतो. जर कोणी बंड केलं तर चिंचवडप्रमाणे निकाल लागतो. महाविकास आघाडीने एकजूट दाखवली तर २०२४ मध्ये विधानसभेत महाविकास आघाडीच्या २०० पेक्षा जास्त जास्त जागा निवडून येतील असं खासदार संजय राऊत यांनी ठामपणे सांगितलं आहे.

कसबा हे राज्यात काय होणार याचं चित्र दाखवणार आहे . मी नाना पटोले यांच्याशी सहमत आहे. पुढच्या निवडणुकीत विधानसभा लोकसभा एकत्र लढणार आहोत. त्यामुळे २०० जागा विधानसभेत आणि ४० जागा लोकसभेत जिंकू, असंही राऊत म्हणाले.

हक्कभंग नोटीसविषयी बोलताना राऊतांनी आजही नोटीसचं पाहिली नसल्याचं म्हटलं आहे. ' मी नोटीस पहिली नाही, मी विधिमंडळाचा आदर करतो.पण नोटीस पहिली नाही.असं राऊत म्हणालेत. अजून राज्यात काही प्रमाणात कायद्याचं राज्य आहे त्यामुळे हक्क भंग - ४० आमदार असे बोलतात त्यावर कारवाई व्हायला हवी, असं संजय राऊत म्हणाले.