Sangli News: कामगारानेच लांबविले सव्वा नऊ लाखांचे दागिने; नांदेडमधून कारागीरास अटक

सांगली : सांगली शहरातल्या एका सराफ दुकानात कामगाराने ९ लाख रूपयांचे दागिने लांबविले होते. या प्रकरणाचा पोलिसांनी (Police) तपास करत दागिने घेऊन पळून गेलेल्या कारागीरास अटक केली आहे. (Maharashtra News)

सांगली (Sangli) शहरातल्या गणपती पेठ या ठिकाणी असणाऱ्या गोल्ड स्मिथ सराफ दुकानांमध्ये उस्मानाली हा कामाला होता. दुकानांमध्ये कोणी नसल्याचा फायदा उठवत त्याने मंगळवारी सोन्याच्या दागिन्यांची चोरी (Theft) करत पलायन केले होते. मात्र शहर पोलिसांनी अखेर त्याला गजाआड (Crime News) केले आहे.

सव्‍वानऊ लाखाचे दागिने हस्‍तगत

शहरातल्या एका सराफ दुकानात कामगार म्हणून असणाऱ्या एका बंगाली कारागीराने सोन्याच्या दागिन्यांची चोरी करून धूम ठोकल्याचा प्रकार घडला होता. याबाबत सांगली शहर पोलिसांनी गतीने तपास करत उस्मानअली अलीमंडल या चोरी करणाऱ्या कामगाराला नांदेडमधून अटक केली आहे. त्याच्याकडून यावेळी सव्वानऊ लाखांचे 185 ग्रॅम सोन्याचे दागिने हस्तगत करण्यात आले आहेत.