सांगली : सांगली जिल्ह्यासह पर जिल्ह्यातून मोटरसायकल चोरी करून विकणाऱ्या एका अट्टल चोरट्यास सांगलीचे (Sagnli) स्थानिक गुन्हे अन्वेषण शाखेने जेरबंद केले आहे. त्याच्याकडून आठ दुचाकींसह दोन लाख ४० हजारांचा मुद्देमाल (Crime News) जप्त करण्यात आला आहे. करण चव्हाण (वय 26) असे या संशयीताचे नाव आहे. (Maharashtra News)
सांगली जिल्ह्यातील मोटरसायकल चोरीचा तपास सुरू असताना विश्रामबाग परिसरातील १०० फुटी रोडवरील धामणी चौक या ठिकाणी चोरीतील मोटरसायकल विक्री करण्यासाठी एक तरुण येणार असल्याची माहिती स्थानिक गुन्हे अन्वेषण शाखेच्या पथकाला मिळाली. यानुसार सापळा रचून दुचाकीवरून आलेल्या करण चव्हाण (रा. नागज, ता. कवठेमहांकाळ) याला ताब्यात घेऊन त्याच्याकडे सदरच्या गाडीची चौकशी केली. सुरुवातीला त्याने उडवा उडवीची उत्तरे दिली.
अडीच लाखाचा मुद्देमाल जप्त
मात्र कागदपत्रे नसल्याचे सांगितल्यानंतर त्याची सकल चौकशी केली असता सदरची दुचाकी त्यांनी चोरल्याची कबुली दिली. त्यानंतर त्याला अटक करून त्याच्याकडे अधिक चौकशी केली असता त्याने ठाणे, कोल्हापूर, सातारा, सोलापूर आणि सांगली जिल्ह्यातून दुचाकी चोरल्याची कबुली दिली. त्यानंतर त्याच्याकडून त्याच्या ताब्यातल्या आठ दुचाकी जप्त करत सहा गुन्हे उघडकीस आणत दोन लाख ४० हजारांचा मुद्देमाल जप्त करण्यात आला आहे. स्थानिक गुन्हे अन्वेषण शाखेचे पोलीस निरीक्षक सतीश शिंदे आणि सहायक पोलीस निरीक्षक संदीप शिंदे यांच्या नेतृत्वाखाली ही कारवाई करण्यात आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
