Amit Deshmukh : लोकसभेप्रमाणे विधानसभेतही काँग्रेसची भूमिका मोठ्या भावाची; अमित देशमुख यांचा दावा

सांगली : लोकसभेमध्ये जितक्या जागा काँग्रेसला मिळाल्या त्याचप्रमाणे विधानसभेलाही आम्ही तेवढ्या जागा जिंकू. त्यामुळे नक्कीच आमची भूमिका मोठ्या भावाची राहील; असे वक्तव्य काँग्रेसचे युवा नेते अमित देशमुख यांनी आज सांगली येथे बोलताना केले आहे. 

काँग्रेसचे (Congress) युवा नेते माजी वैद्यकीय शिक्षण मंत्री अमित देशमुख यांनी सांगलीत आज पत्रकार परिषदेत बोलत होते. राज्यात सत्ता आमचीच राहणार असा दावा महायुती व महाविकास आघाडीकडून केला जात आहे. त्यानुसार राज्यात महाविकास आघाडीचे सरकार येईल; असा दावा करत यात लोकसभेप्रमाणे काँग्रेसची भूमिका महत्वाची राहणार असल्याचे अमित देशमुख (Amit Deshmukh) यांनी सांगितले. 

सांगलीतही माविआचाच विजय 
तसेच राज्यातील जनता महायुतीला कंटाळली असून यंदा राज्यात महाविकास आघाडी सत्तेवर येईल, असा विश्वास अमित देशमुख यांनी व्यक्त केला. तर सांगलीचे महाविकास आघाडीचे उमेदवार हे पृथ्वीराज बाबाच असून ते २३ तारखेला विधानसभेत आमदार म्हणून जातील; असा विश्वासही अमित देशमुख यांनी वाजत केला.