Satara Pandharpur Highway : आषाढीचा याेग साधून संगम माहुली ग्रामस्थांनी राेखला सातारा पंढरपूर महामार्ग

Satara News : सातारा कोरेगाव रस्त्यावर असणाऱ्या संगम माहुली या गावच्या लोकांनी आज (गुरुवार) रास्ता रोको केला. गेली अनेक वर्षे या रस्त्याची डागडुजी करण्यात आली नाही. त्यामुळे मोठे मोठे खड्डे या रस्त्यात पडले आहेत. त्यामुळे या भागात वारंवार अपघात (Accident) होत असतात. त्यात गावकरी आणि प्रवासी मोठ्या प्रमाणात गंभीर जखमी झाले आहेत. (Maharashtra News)

गेली अनेक वर्षे हा रस्ता जैसे थे परिस्थिती मध्ये आहे. या रस्त्याच्या कॉन्ट्रॅक्टरच्या विरोधात आज ग्रामस्थ मोठ्या प्रमाणात आक्रमक झाले होते. त्यांनी साधारण एक तास रस्ता अडवून धरला होता. आषाढी दिवशीच आंदाेलन झाल्याने सातारा पंढरपूर महामार्गावर वाहतुक ठप्प झाली. दाेन्ही बाजूच्या दिशेने वाहनांच्या रांगा लागल्या होत्या.

या वेळी पोलिसांनी मध्यस्थी केल्याने अखेर तात्पुरते आंदोलन स्थगित करण्यात आले. येत्या सहा जूलै अखेर रस्ता नीट न झाल्यास नागरिकांनी तीव्र आंदोलनाचा इशारा प्रशासनास दिला आहे.

Edited By : Siddharth Latkar