Samruddhi Highway News: समृद्धी महामार्गावरील अपघात रोखण्यासाठी मोठा निर्णय! वाहन चालकांना थांबवून धडे दिले जाणार; व्हिडिओ आणि...

Precautions to avoid Accidents On Samruddhi Highway: समृद्धी महामार्गावर होणाऱ्या अपघातांची कारणे वेगवेगळी आहेत. याची प्रशासनानेही गंभीर दखल घेतली आहे.
Samruddhi Highway
Samruddhi Highway Saamtv

Samruddhi Mahamarg News: समृद्धी महामार्गाचे उद्घाटन झाल्यापासून अपघातांची मालिकाच सुरू झाली आहे. १०० दिवसांत या महामार्गावर तब्बल ९०० अपघात झाले असून आत्तापर्यंत ३४ जणांचा मृत्यू झाला आहे. त्यामुळेच समृद्धी महामार्ग अपघातांचा रनवे ठरत असल्याची प्रतिक्रिया उमटत आहेत. महामार्गावर होणाऱ्या अपघातांची कारणे वेगवेगळी आहेत. याची प्रशासनानेही गंभीर दखल घेत वाहन चालकांना समुपदेशन करण्याचा निर्णय घेतला आहे. (Samruddhi Highway News)

Samruddhi Highway
Rahul Gandhi Press Conference: 'मी घाबरणार नाही, लढत राहणार...' खासदारकी रद्द झाल्यानंतर राहुल गांधींचा हल्लाबोल; अदानींना वाचवण्यासाठीच...

याबाबत अधिक माहिती अशी की, छत्रपती संभाजीनगरमध्ये सावंगी इंटरचेंज येथे समृद्धी महामार्गावरील अपघात कमी करण्याच्या दृष्टीने सर्व प्रशासकीय यंत्रणांची बैठक झाली. यामध्ये अतिवेगावर लक्ष ठेऊन अतिवेगाने वाहन चालविणाऱ्या चालकांना किमान एक ते दोन तास समुपदेशन करण्याचा निर्णय घेण्यात आला आहे. ज्याची लवकरच अंमलबजावणी केली जाणार आहे.

समृद्धी महामार्गावर १२० कि.मी. प्रतितास वेग मर्यादा देण्यात आली आहे. मात्र, अनेक वाहनचालक यापेक्षा अधिक वेगाने वाहन चालवितात. ही बाब अपघाताला आमंत्रण देणारी ठरते. त्यामुळे अशा वाहनांच्या चालकांचे समुपदेशन करण्याचा पर्याय समोर आला आहे. या समुपदेशनामध्ये वेगवेगळे व्हिडीओ दाखविण्यापासून इतर अनेक माध्यमांचा समावेश राहणार आहे. अपघात घडताना, घडल्यानंतरचे व्हिडीओ दाखविण्यात येणार आहेत.

Samruddhi Highway
Balasaheb Thorat News: 'आमच्याकडेही जोडे आहेत लक्षात ठेवा...' बाळासाहेब थोरातांचा सत्ताधाऱ्यांना इशारा; संबंधितांना निलंबित करण्याची मागणी

हे समुपदेशन काही मिनिटांचे नव्हे, तर किमान एक ते दोन तासांचे असावे. आगामी काही दिवसांत त्याची अंमलबजावणी करण्यात येणार आहे. याबरोबरच समृद्धी महामार्गाच्या एंट्री पॉइंटवर स्पीकरद्वारे विविध सूचना देणे, महामार्गावर ठिकठिकाणी संदेशातून जनजागृती करण्यात येणार आहे. (Latest Marathi News Update)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com