Samruddhi Highway Accident: समृद्धी महामार्गावर भीषण अपघात; ऑफिसमध्ये जाताना तरुणीवर काळाचा घाला

Jalna Accident: महाराष्ट्रातील सर्वात सुरक्षित समजल्या जाणाऱ्या समृद्धी महामार्गावर अपघाताची शृंखला काही संपतासंपत नाहीये. आज पुन्हा समृद्धी महामार्गावर कार आणि कंटेनरचा भीषण अपघात झालाय. कारला कंटेनरने पाठीमागून जोरात धडक दिली. या अपघातात एक तरुणी जागीच ठार झाली आहे. (Latest Marathi News)

समृद्धी महामार्गावरील (Samruddhi Highway) या अपघातात एका तरुणीचा मृत्यू झाला असून कार चालक गंभीर जखमी आहे. कोलकत्ता येथील राहिवाशी ओइंद्रआर रॉय (वय 26 वर्ष) असं अपघातात ठार झालेल्या मुलीचं नाव आहे. मृत तरुणी पुण्यात नोकरी करत असल्याची माहिती समजली आहे.

अंशुल टाकळीकर असं वाहन चालकाचे नाव आहे. तो नागपूर येथील रहिवाशी असून शनिवारी सकाळी कारने तरुणीला ऑफिसमध्ये सोडवण्यासाठी जात होता. यावेळी अंशुल भरधाव वेगाने कार चालवत असताना वाहनावरील त्याचे नियंत्रण सुटले. त्यामुळे त्याची कार समोर असलेल्या कंटेनरला मागून जाऊन धडकली.

जोरदार धडक दिल्यामुळे हा अपघात झाल्याची माहिती पोलिसांनी दिली आहे. माहिती मिळताच पोलिसांनी घटनास्थळी धाव घेऊन अपघातात जखमी झालेल्या एकाला तात्काळ जालना सामान्य रुग्णालयात दाखल केले. तसेच अपघातग्रस्त वाहन हायड्राच्या साह्याने एडमिन बिल्डिंग येथे लावण्यात आले आहे. अपघातामुळे महामार्गावर वाहतूक कोंडी झाली होती, आता अपघातग्रस्त वाहन तेथून हालवल्याने वाहतूक सुरळीत झाली आहे.