Sambhajinagar News : नशेसाठी पैसे दिले नाही म्हणून मुलाचे धक्कादायक कृत्य: वडिलांची पोलिसात तक्रार

नवनीत तापडिया 

छत्रपती संभाजीनगर  : नशेच्या गोळ्या घेण्यासाठी पैसे दिले नाही; म्हणून पेट्रोल टाकून घरातील सामान (Sambhajinagar) जाळल्याची घटना लोटाकारंजा परिसरात घडली. या प्रकरणी वडिलांच्या तक्रारीवरून मुलावर सिटी चौक पोलिस (Police) ठाण्यात गुन्हा दाखल करण्यात आला आहे. (Maharashtra News)

छत्रपती संभाजीनगरातील नूर फारुखी अलीमुद्दीन फारुखी असे आरोपीचे नाव आहे. वडील मोहम्मद अलीमुद्दीन फारुकी हे बॅग विक्रेता आहेत. ८ ऑगस्टला रात्री नऊ वाजेच्या सुमारास मुलगा नूर फारुकी हा पेट्रोलची बाटली घेऊन घरी आला. नशेच्या गोळ्या घेण्यासाठी पैसे द्या, नाहीतर मी घर जाळून टाकीन अशी धमकी त्याने दिली. परंतु त्याला पैसे देण्यास वडिलांनी नकार दिला. 

त्याने सामानावर पेट्रोलच टाकले 

फिर्यादी वडील यांनी आरोपीस पैसे देण्यास नकार दिल्याने आरोपीने घरातील सोप्यावर तसेच कटलरी सामानावर पेट्रोल टाकून आग लावली. या आगीत ५० हजार रुपयांचे नुकसान झाले आहे. याप्रकरणी सिटी चौक पोलीस ठाण्यात गुन्हा दाखल करण्यात आला आहे.