Sambhajinagar News : पोलीस भरतीच्या विद्यार्थ्यांचा पोलीस अधीक्षक कार्यालयावर मोर्चा; भरती प्रक्रिया पुढे ढकलण्याची केली मागणी

रामू ढाकणे 

छत्रपती संभाजीनगर : पोलीस भरतीची तयारी करत असलेल्या विद्यार्थ्यांनी आपल्या काही मागण्यांसाठी आज छत्रपती संभाजीनगरच्या (Sambhajinagar) पोलीस अधीक्षक कार्यालयावर मोर्चा काढला. यावेळी सर्व विद्यार्थ्यांनी (Police) पोलीस अधीक्षक कार्यालयाच्या आवारात ठिय्या मांडून पोलीस अधीक्षकांना मागण्यांचे निवेदन दिले. (Breaking Marathi News)

राज्य शासनाने पोलीस भरती संदर्भात मार्च २०२३ च्या वयवाढी संदर्भात काढलेल्या जी आरची वैधता मार्च २०२४ पर्यंत वाढवण्यात यावी. तसेच एसइबीसी जात प्रमाणपत्र शासन दरबारी मिळण्यास अडचणी येत असल्याने महाराष्ट्र शासनाने जारी केलेली पोलीस भरती प्रक्रिया एमपीएस्सी (MPSC) परीक्षे प्रमाणे पुढे ढकलण्यात यावी; या मागणीसाठी मोर्चा काढत या मागण्यांचे निवेदन आज (Student) विद्यार्थ्यांनी पोलीस अधीक्षक कार्यालयात सादर केले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मराठा समाजातील काही मुलांनी वयोमर्यादा ओलांडली, तर काही मुलांना कागदपत्रे काढण्यास तांत्रिक अडचणी येत असल्याने विलंब होत आहे. त्यासाठी हे विद्यार्थी आज पोलीस अधीक्षक कार्यालयात एकत्र आले होते. मोर्चा काढत सर्व विद्यार्थ्यांनी पोलीस अधीक्षक कार्यालयाच्या आवारात ठिय्या आंदोलन केले.