छत्रपती संभाजीनगर : भरचौकातील नागरी वसाहतीतील लाॅजिंगवर सुरू असलेल्या कुंटणखान्यावर एमआयडीसी वाळूज पोलिसांनी (Police) छापा टाकून लाॅजिंग मालकासह तीन दलालांना अटक केली आहे. लाॅजिंगवर (Sambhajinagar) केलेली ही कारवाई उद्योगनगरीतील पहिलीच कारवाई आहे. या कारवाईमुळे अनेक लाॅजिंगवाल्याचे धाबे दणाणले आहेत. (Live Marathi News)
वाळुंज शहरातील ओमसाई लाॅजिंग अ‍ॅण्ड रेस्टॉरंट आहे. नागरी वसाहतीतील या लाॅजिंगवर ४ ते ५ महिलांकडुन वेश्या व्यवसाय करवून घेत असल्याची माहिती डायल ११२ या पोलिसांच्या नंबरवर (Police Raid) मिळाली होती. या माहितीवरून एमआयडीसी वाळूज पोलीस ठाण्याचे वरिष्ठ पोलिस निरीक्षक अविनाश आघाव यांनी ठाण्याचे दुय्यम निरीक्षक गणेश ताठे यांच्यासह एक पथक तयार केले.
बनावट ग्राहकाला पाठवून टाकला छापा
त्यानंतर लाॅजिंगवर बनावट ग्राहकाला पाठवले. त्यानंतर लाॅजिंगवरील दलाल योगेश भोजू जाधव याने एक हजार रूपये घेत बनावट ग्राहकाला लाॅजिंगच्या रूममध्ये सोडले. दरम्यान पंटरने इशारा केला आणि पोलिसांनी छापा टाकला. यावेळी लाॅजिंगच्या विविध चार रूममध्ये चार वेश्या असल्याचे पोलिसांच्या निदर्शनास आले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.