Sabhajinagar News : बोगस डॉक्टरांची टोळी पोलिसांच्या जाळ्यात; उपचाराच्या नावाने प्राचार्यांची केली होती ५ लाखात फसवणूक

रामू ढाकणे 

छत्रपती संभाजीनगर : उपचार करण्यासाठी ऑनलाईन संपर्क साधून प्रत्येक रोगावर उपचार असे आमिष दाखविले जात होते. (Sambhajianagar) अशाच प्रकारे चेहऱ्यावरील पांढऱ्या डागावर १०० टक्के उपचाराचे अमिष दाखवून छत्रपती संभाजीनगर येथील एका प्राचार्यांची फसवणूक केली होते. या टोळीला पकडण्यात पोलिसांना यश आले आहे. (Live Marathi News)

डॉक्टर असल्याचे सांगत अनेकांची फसवणूक केली जात होती. राजस्थानमधील असलेल्या या टोळीचा पोलिसांनी पर्दाफाश केला आहे. याच टोळीतील बोगस डॉक्टर (Bogus Doctor) असलेल्या एकाने संभाजीनगरमधील प्राचार्याशी संपर्क साधला. या प्राचार्याला चेहऱ्यावर असलेले पांढरे डाग उचार करून घालवू १०० टक्के जाणार, असे सांगितलं. यासाठी वेळोवेळी त्यांनी पाच लाख रुपये घेत गंडा घातला. याबाबत प्राचार्याने पोलिसात (Police) तक्रार केली होती. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

टोळीचे तीन राज्यात जाळे 

राजस्थानातील बोगस डॉक्टरांच्या टोळीला सायबर पोलिसांनी जेरबंद केले आहे. त्यांच्याकडून ४ लाख ३६ हजार ६०० रुपयांचा मुद्देमाल ही हस्तगत केला. या टोळीने या आधी अनेक जणांना गंडा घातल्याची शक्यता असून पोलीस तपास करत आहे. या टोळीचे राजस्थान मध्यप्रदेश आणि महाराष्ट्र या तीन राज्यात जाळे सक्रिय असल्याची माहिती समोर आलीय.