Sambhajinagar Corporation : एप्रिलमध्ये कर भरा मिळवा १६ टक्केपर्यंत सूट; मनपाचे सप्ततारांकित धोरण

रामू ढाकणे 

छत्रपती संभाजीनगर :

छत्रपती संभाजीनगर महापालिकेने या वर्षापासून ऑनलाईन आणि ऑफलाइन मालमत्ता कर भरणा करणाऱ्यांना एप्रिल ते जून या तीन महिन्यांसाठी सवलत जाहीर केली आहे. यात एप्रिल (Sambhajinagar) महिन्यात कर भरणा करणाऱ्या मालमत्ता धारकांना १६ टक्के  आहे. (Live Marathi News)

छत्रपती संभाजीनगर महापालिकेने नवीन आर्थिक वर्षात सप्ततारांकित धोरण जाहीर केले आहे. दरम्यान मालमत्ता कराची (Tax) वसुली जास्तीत जास्त व्हावी या उद्देशाने मनपा प्रशासक जी श्रीकांत यांच्या संकल्पनेतून सप्ततारांकित धोरण राबविण्याचा निर्णय मनपाकडून  घेण्यात आला आहे. या नवीन आर्थिक वर्षाच्या पहिल्या तीन महिन्यात सामान्य करामध्ये मिळणारी नियमित १०.८ आणि ६ टक्क्यांची सूट यंदाही कायम आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१६ टक्के अधिकची सूट 

संभाजीनगर महापालिकेने यंदा मनपाच्या सप्ततारांकित धोरण जाहीर केले आहे. यामुळे मालमत्ता कर धारकांना अधिकची म्हणजे १६ टक्केपर्यंत सूट आता मिळणार आहे. याचा लाभ एप्रिलमध्ये कर भरणा करणाऱ्या करदात्यांना मिळणार आहे. यामुळे कर भरण्याचे आवाहन महापालिकेकडून करण्यात आले आहे.