Sambhajinagar News: ट्रॅक्टरच्या धडकेत शाळकरी मुलाचा मृत्यू; शाळेतून घरी जाताना अपघात

नवनीत तापडिया 

छत्रपती संभाजीनगर :

ट्रॅक्टरच्या धडकेत एक‌ १२ वर्षीय शाळकरी मुलगा ठार झाल्याची दुर्दैवी घटना (Sambhajinagar) छत्रपती संभाजीनगरच्या सिल्लोड तालुक्यातील म्हसला फाटा ते सोन्नापावाडी रस्त्यावर घडली. मयुर गणेश राजपुत असे मयत (Accident) झालेल्या शाळकरी मुलाचे नांव आहे. (Tajya Batmya)

संभाजीनगरच्या सिल्लोड तालुक्यातील सोन्नापावाडी येथील मयुर राजपूत हा भराडी येथील श्री. सरस्वती भुवन प्रशालेत इयत्ता सहावीत शिकत होता. शाळा सुटल्यानंतर तो म्हसला फाटा येथुन सोन्नापावाडी येथे घरी जात होता. या दरम्यान ट्रॅक्टरने त्यास जोरदार धडक दिली. यात तो गंभीर जखमी होऊन त्याचा मृत्यू झाला.

ट्रॅक्टर चालक पसार 

सदर अपघात झाल्यानंतर ट्रॅक्टरसह चालक घटनास्थळावरून पसार झाला आहे. यानंतर पोलिसांनी घटनास्थळाचा पंचनामा केला. सिल्लोड पोलीस अधिक तपास करत आहे.