Sambhajinagar News: इलेक्ट्रिक वायरला डंपरचा स्पर्श; चालक थोडक्‍यात बचावला

नवनीत तापडीया

छत्रपती संभाजीनगर : मातीने भरलेला डंपर खाली करताना डंपरचा इलेक्ट्रिक वायरला स्पर्श झाला. यामुळे लागलेल्या आगीत (Fire) हायवाची केबिन जळून भस्म झाली. सुदैवाने चालक बचावला आहे. (Maharashtra News)

छत्रपती संभाजीनगरच्‍या एमआयडीसी वाळूज परिसरातील महावीर चौकात ही घटना आज दुपारच्‍या सुमारास घडली. या परिसरात काही काम सुरू असल्‍याने डंपरद्वारे मातीची वाहतूक सुरू आहे. यात माती घेवून आलेला डंपर खाली केला जात होता. याचवेळी वर असलेल्‍या इलेक्‍ट्रीक तारेला डंपरचा स्‍पर्श होवून कॅबिनमध्‍ये आग लागली.

चालक बचावला

या घडलेल्या घटनेत हायवा चालकाने प्रसंगावधान राखून केबिनमधून खाली उडी घेतल्याने मोठा अनर्थ टळला. वेळीच दक्ष नागरिकांनी एमआयडीसी वाळूज अग्निशमन दलाला पाचारण केले. वेळीच अग्निशमन दलाने (Fire Brigade) आगीवर नियंत्रण मिळवत आग विझवली. मात्र या घटनेत हायवा मालकाचे मोठे आर्थिक नुकसान झाले आहे.