रणजीत माजगावकर, साम टीव्ही प्रतिनिधी
कोल्हापूर : कोल्हापुरात शरद पवार मोठी खेळी खेळण्याच्या तयारीत आहेत. कोल्हापूरच्या कागलमधील भाजप नेते समरजित सिंह घाटगे शरद पवार गटाच्या वाटेवर असल्याची माहिती सूत्रांनी दिली आहे. समरजित सिंह घाटगे हे महाविकास आघाडीकडून कागलमध्ये विधानसभा निवडणूक लढण्यास इच्छुक असल्याची माहिती मिळत आहे. घाटगे यांच्या उमेदवारीमुळे महायुतीसह मंत्री हसन मुश्रीफ यांचं टेन्शन वाढण्याची शक्यता आहे.
सूत्रांनी दिलेल्या माहितीनुसार, आगामी विधानसभा निवडणुकीच्या पार्श्वभूमीवर राज्यातील राजकीय घडामोडींना वेग आला आहे. राज्यातील सर्व नेत्यांनी विविध मतदारसंघात चाचपणी सुरु केली आहे. दुसरीकडे महायुतीमध्ये अजित पवार गटाकडून कोल्हापूरच्या कागल मतदारसंघातून राष्ट्रवादीचे संभाव्य उमेदवार हसन मुश्रीफ असल्याने समरजीत सिंह घाटगे यांची नाराजी उघड झाली आहे.
हसन मुश्रीफ यांच्या संभाव्य उमेदवारीमुळे समरजित सिंह घाटगे हे शरद पवार गटाकडून निवडणूक लढवणार असल्याची घोषणा करणार असल्याचे बोललं जात आहे. यासाठी समरजीत सिंह घाटगे कार्यकर्त्यांचा मेळावा घेणार आहे.
दरम्यान, काही दिवसांपूर्वी समरजित सिंह घाटगे यांनी काही दिवसांपूर्वी शरद पवार गटात प्रवेश करण्याबाबतचा दावा फेटाळला होता. मात्र, त्यांनी अपक्ष लढण्याबाबत विधानसभा निवडणूक लढण्याचे विधान केले होते. कागलमधील महायुतीमधील उमेदवारीवरून भाजप आणि राष्ट्रवादीत वाद रंगण्याची शक्यता व्यक्त करण्यात येत आहे. समरजितसिंह घाटगे यांनी अपक्ष लढण्याची तयारी केल्यास अजित पवार गटाला देखील मोठा फटका बसण्याची शक्यता आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.