Maharashtra Exit Poll : विक्रोळी मतदारसंघात सुनील राऊत होणार आमदार? पाहा Exit Poll

विक्रोळी मतदारसंघात ठाकरे गट विरुद्ध शिंदे गट अशी थेट लढत रंगत आहे. याठिकाणी ठाकरे गटाने सुनील राऊत यांना उमेदवारी दिली आहे. तर शिंदे गटाकडून सुवर्णा करंजे यांना उमेदवारी मिळाली आहे.

सकाळच्या एक्झिट पोलनुसार विक्रोळी मतदारसंघात ठाकरे गटाचं पारड भारी पडताना दिसत आहे. त्यामुळे याठिकाणी संभाव्य आमदार म्हणून सुनील राऊत यांना पसंती मिळत आहे. सुनील राऊत हे या ठिकाणी विद्यमान आमदार आहेत. त्यामुळे दोन्ही शिवसेनेत संघर्ष असताना देखील मंतदारांकडून संभाव्य आमदार म्हणून राऊत यांच्या नावाची चर्चा होत आहे.

विक्रोळी हा मुंबईतला अतिशय महत्वाचा मतदारसंघ समजला जातो. याठिकाणी ठाकरे गट, शिंदे गट आणि मनसे अशी लढाई आहे. विक्रोळीमध्ये प्रचाराच्या सगळ्या महत्वाच्या सभा झाल्या. ठाकरे गटाकडून संजय राऊत यांनी या ठिकाणी सभा घेतली होती. तर शिंदे गटाच्या उमेदवारासाठी स्वत: एकनाथ शिंदे यांनी सभा घेतली होती. मनसे अध्यक्ष राज ठाकरे यांची देखील दोनवेळा या मतदारसंघात प्रचार सभा झाली.

ठाकरे गटाचे उमेदवार आणि विद्यमान आमदार सुनील राऊत हे संजय राऊत यांचे भाऊ आहेत. त्यांनी विक्रोळी मतदारसंघात चांगली कामं केलेली आहेत. त्यामुळे मतदारांचा कौल त्यांना मिळण्याची शक्यता आहे.