Saam Exit Poll: शिरपूर विधानसभा मतदारसंघामध्ये भाजपमधून काशीराम पावरा मारणार बाजी? पाहा Exit Poll

सध्या महाराष्ट्रात २० नोव्हेंबर रोजी सर्वत्र विधानसभा निवडणूका पार पडल्या आहेत. २३ तारखेला मतमोजणाी होणार आहे. यासंदर्भात सकाळ समूहाचा एक्झिट पोल समोर आला आहे. शिरपूर मतदारसंघातून भाजपचं पारडं जड दिसतंय. त्यामुळे या ठिकाणी काशीराम पावरा यांना जास्तीत जास्त मत मिळण्याची शक्यता आहे. काशीराम पावरा या ठिकाणी निवडून येऊ शकतात.

शिरपूर विधानसभा मतदारसंघात भाजप विरुद्ध भाकप अशी लढत होती. निवडणुकीसाठी मतदान घेण्यात आले. भाजपच्या उमेदवाराचं या मतदारसंघात वर्चस्व पाहायला मिळालं. एक्झिट पोलमधून हा अंदाज वर्तवण्यात आला आहे.

शिरपूर विधानसभेचे संभाव्य आमदार हे भाजपचे काशीराम पावरा असतील असा अंदाज एक्झिट पोलमधून व्यक्त करण्यात आला आहे. त्यांच्याविरुद्ध भाकपचे बुधामल पावरा यांना उमेदवारी देण्यात आली होती. पण भाजपचे उमेदवार काशीराम पावरा हे आमदार होण्याची शक्यता व्यक्त करण्यात आलेली आहे.

शिरपूर विधानसभा मतदारसंघ अनुसूचित जमातीसाठी राखीव आहे. येथे सहा उमेदवारांमध्ये सामना रंगला. यात प्रामुख्याने भारतीय जनता पक्ष, भारतीय कम्युनिस्ट पक्ष, बहुजन समाज पक्ष आणि तीन अपक्ष असे लढाईचे चित्र होते. सहा उमेगवार असले तरी प्रामुख्याने सामना जो झाला तो भारतीय जनता पक्षाचे उमेदवार काशीराम पावरा, भारतीय कम्यनिस्ट पक्षाचे उमेदवार बुधामल पावरा आणि अपक्ष उमेदवार डॉ. जितेंद्र ठाकूर यांच्यात झाला. काशीराम पावरा चौथ्यांदा या मतदारसंघातून उमेदवारी लढत आहेत. दोन वेळेला त्यांना आव्हान देणारे हे डॉ. जितेंद्र ठाकूर अपक्ष उमेदवार होते. आता या निवडणुकीचा निकाल कसा लागतो आणि कोणाला किती मताधिक्य मिळतं याकडे शिरपूरकरांचे लक्ष लागून आहे.