Maratha Reservation: मराठा आरक्षणासाठी युवकाने संपविले जीवन

- संजय सूर्यवंशी

Nanded News :

नांदेड शहरातील हडको भागातील तीस वर्षीय तरुणाने आपलं जीवन संपविल्याची घटना आज (शनिवार) उघडकीस आली. या युवकाने मराठा आरक्षण मिळत नसल्याने नाराजीतून जीवन संपविल्याची माहिती समाेर आली आहे. त्याबाबत पाेलीसांनी युवकाच्या जवळील चिठ्ठीनूसार दुजाेरा दिला. (Maharashtra News)

पाेलीसांनी दिलेल्या माहितीनूसार साईनाथ टरके असे मयत युवकाचे नाव आहे. तो सुशिक्षित बेरोजगार होता. मराठा आरक्षण आंदोलनात देखील साईनाथ टरके याचा सक्रिय सहभाग होता. मराठा समाजाला आरक्षण मिळत नसल्याने ताे नाराज हाेता असे त्याच्या नातेवाईकांनी सांगितले.

मराठा आरक्षणासाठी आत्महत्या करत असल्याची चिठ्ठी सापडल्याचे सुशील कुमार नायक (पोलीस उपअधिक्षक नांदेड) यांनी साम टीव्हीशी बाेलताना सांगितले. या प्रकरणी नांदेड ग्रामीण पोलीस ठाण्यात नोंद करण्यात आली आहे. अधिक तपास पोलिस करत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar