Kolhapur: झुंडशाही, गुंडशाही विराेधात आम्ही दाेन हात करु; सदाभाऊंचा राजू शेट्टींना अप्रत्यक्ष इशारा

- रणजीत माजगावकर

Kolhapur News :

बहुजनाच्या मुलांवर हात टाकण्यापेक्षा साखर कारखानादारांच्या चेअरमनवर आपली मर्दुमकी दाखवावी. चळवळीतून अपप्रवृत्ती होत असेल तर आम्हीही दोन हात करू असा इशारा रयत शेतकरी संघटनेचे नेते सदाभाऊ खाेत यांनी अप्रत्यक्षपणे स्वाभिमानी शेतकरी संघटनेचे (swabhimani shetkari sanghatana) नेते राजू शेट्टी (raju shetti) यांना दिला. (Maharashtra News)

ऊस आंदोलनात कांबळे नामक शेतकऱ्याला मारहाण झाली. या शेतक-याची आज (साेमवार) रयत क्रांती संघटनेचे नेते सदाभाऊ खाेत यांनी शेत शिवारात जाऊन भेट घेतली. यावेळी शेतक-यांनी घडलेला प्रसंग खाेत यांनी सांगितला.

साम टीव्हीशी बाेलताना खाेत म्हणाले शेतकरी संघटनाकडून कांबळे यांना मारहाण झाली. या प्रकरणाची चौकशी झाली पाहिजे. चळवळीतून अपप्रवृत्ती वाढत असेल तर आम्हीही दोन हात करू. झुंडशाही आणि गुंडशाही वाढत असेल तर आम्ही सुद्धा तयार आहाेत असेही खाेत यांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

खाेत यांनी राजू शेट्टींचे नाव घेतले नसले तरी त्यांनी घेतलेल्या भूमिकेमुळे आगामी काळात खाेत आणि राजू शेट्टी हे आमने सामने येण्याची चर्चा शेत शिवारात सुरु झाली आहे.

Edited By : Siddharth Latkar