राज्यात सध्या मुसळधार पाऊस सुरू असून अनेक नद्यांनी धोक्याची पातळी ओलांडली आहे. काही नद्या पात्राबाहेर पडल्या आहेत. अनेक गावांचा संपर्क तुटला आहे. दरम्यान प्रवाशी जीव धोक्यात घालून पाण्यातून प्रवास करत असल्याचे काही प्रकार समोर आले आहेत. त्यात रायगडमधूनही एक धक्कादायक प्रकार समोर आला आहे. एसटी महामंडळाच्या चालकाने बस थेट पुलावरून वाहत असलेल्या पाण्यातून चालवली आहे, त्यामुळे संताप व्यक्त होतं आहे.
पाली येथून पेणला जाणाऱ्या ST बस चलकाने प्रवाशांच्या जीवाशी खेळ करीत स्टंटबाजी केल्याचा व्हिडीओ समोर आला आहे. ही घटना आज सकाळी अंबा नदीवरील पुलावर भेरव गावाजवळील घडली आहे. अंबा नदीचे पाणी पुलावरून वहात असताना धोकादायक परिस्थितीत चालकाने स्वतःसह प्रवाशांचा जीव धोक्यात घालून पुलावरून वाहत्या पाण्यातून बस नेली. यासंदर्भात संबंधित चालक व वाहक यांच्यावर निलंबनाची कारवाई करावी अशी मागणी केली होती.
प्रवाशी आणि नागरिकांच्या मागणीची दखल घेत आणि सामच्या बातमीनंतर पेण आगाराचा चालक यू. एम. बनसोडे यांच्यावर निलंबनाची कारवाई करण्याचे आदेश दिले आहेत. एसटीचे रायगड विभाग नियंत्रक दीपक घोडे यांनी ही माहिती दिली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
