Saam Exit Poll : घनसावंगीत घमासान; राजेश टोपे बाजी मारणार का? एक्झिट पोलचा अंदाज काय?

अक्षय शिंदे, साम टीव्ही

घनसावंगी मतदारसंघात शिवसेना विरुद्ध राष्ट्रवादी शरद पवार गट यांच्यात लढत रंगली. या मतदारसंघात शरद पवार यांच्या राष्ट्रवादी काँग्रेसचे राजेश टोपे यांचे पारडे जड असल्याचे एक्झिट पोलमधून सांगण्यात येत आहे. संभाव्य आमदार कोण होणार? राजेश टोपे की हिकमत उढाण? हे पाहणे औत्सुक्याचे ठरणार आहे.

महाराष्ट्र विधानसभा निवडणुकीत बऱ्याच ठिकाणी शिवसेना शिंदे गट आणि राष्ट्रवादी काँग्रेस शरद पवार गटात लढत बघायला मिळाली. घनसावंगी मतदारसंघातही राष्ट्रवादी काँग्रेस शरदचंद्र पवार पक्षाचे उमेदवार राजेश टोपे आणि शिवसेना शिंदे गटाचे उमेदवार हिकमत उढाण यांच्यात सरळ लढत होती.

आता मतदान घेण्यात आलं आहे. मतदारांनी कुणाच्या बाजूने कौल दिला, कुणाला नाकारलं, हे २३ तारखेला निकालातून स्पष्ट होईलच. तत्पूर्वी सामच्या मतदानोत्तर चाचणीत संभाव्य आमदार म्हणून राजेश टोपेंना मतदारांनी कौल दिल्याचे स्पष्ट झाले आहे.

राजेश टोपे हे बाजी मारणार असल्याचा अंदाज एक्झिट पोलमधून वर्तवण्यात आला आहे. घनसावंगी मतदारसंघात पंचरंगी लढत रंगली. राजेश टोपे, हिकमत उढाण, वंचित बहुजन आघाडीच्या उमेदवार कावेरी खटके, भाजपचे बंडखोर सतीश घाटगे, ठाकरे गटाचे बंडखोर उमेदवार शिवाजीराव चोथे या पाच उमेदवारांमध्ये लढत होती. पण मुख्य लढत ही राजेश टोपे आणि हिकमत उढाण यांच्यात रंगली. आता प्रत्यक्ष निकालात कुणाच्या पारड्यात मतांचं दान टाकलं जातं, कोण बाजी मारतं, हे पाहावं लागणार आहे.