सातारा जिल्हा बँकेच्या निवडणुकीसाठी सज्ज - गृहराज्यमंत्री देसाई

सातारा - सध्या कोरोनाचा प्रभाव कमी झाल्याने आता सातारा जिल्ह्यात जिल्हामध्यवर्ती बँकेच्या निवडणुकीला ग्रीन सिग्नल मिळाला आहे. त्यामुळे आता जिल्हा बँकेच्या निवडणुकीची रणधुमाळी सुरू झाली आहे. साताऱ्यात जिल्हाबँकेची ही निवडणूक राजकारण विरहित होईल असे आधीच्या संचालकांचे म्हणणे आहे.

हे देखील पहा -

परंतु, गृहराज्यमंत्री शंभूराज देसाई यांनी आज सातारा जिल्हामध्यवर्ती सहकारी बँकेच्या याद्यांचा आम्ही अभ्यास केला आहे. जिल्हामध्यवर्ती सहकारी बँकेची निवडणूक लढण्याची आमची पूर्ण तयारी आहे असे विधान करून, जर पक्ष श्रेष्ठींनी आदेश दिला तर आम्ही रिंगणात आहोत असा एक प्रकारचा इशाराच दिला आहे.

मागच्या निवडणुकीत शब्द देऊन सुद्धा शंभूराज देसाई यांना जिल्हा बँकेपासून लांब ठेवण्यात आले होते त्यामुळे आता शिवसेनेने मोर्चे बांधणी केली असल्याचे चित्र स्पष्ट होत आहे. या वेळी स्वतः गृहराज्यमंत्री शंभूराज देसाई, कोरेगाव चे शिवसेनेचे आमदार महेश शिंदे, माण-खटाव चे शिवसेनेचे हेविवेट नेते शेखर गोरे हे जिल्हाबँक निवडणुकीत इच्छुक आहेत. त्यामुळे महाविकास आघाडी म्हणून जर ही निवडणूक लढली गेली नाही तर जिल्हाबँकेत जोरदार घमासान होणार यात शंका नाही.

Edited By : Krushnarav Sathe