RBI Repo Rate: गृह, वाहन कर्जाचा EMI वाढणार; RBI ने सलग सहाव्यांदा रेपो दरात केली वाढ

RBI Repo Rate: भारतीय रिझर्व्ह बँकेने आज पुन्हा एकदा रेपो दर वाढवले आहेत. रेपो दरात तब्बल २५ बेसीस पॉईंट्सने वाढ केली आहे. रिझर्व्ह बँकेचे गव्हर्नर शक्तीकांत दास यांनी आज बैठकीत झालेल्या निर्णयाची घोषणा केली.

भारतीय रिझर्व्ह बँकेच्या मॉनिटरींग कमीटीची बैठक गेल्या दोन दिवसांपासून सुरू होती. त्यानंतर आज वाढवण्यात आलेला रेपो दर आज जाहीर करण्यात आला आहे. (Latest Repo Rate News)

व्याज दर वाढवल्याने सर्वसांमान्यांच्या व्याज दरावर याचा फटका बसत आहे. २५ बेसीस पॉईंट्सने व्याजदर वाढवण्यात आल्याने आता व्याज दर एकूण ६.५० इतका वाढला आहे. रिझर्व्ह बँकेकडून रेपो दरात वाढ केल्यावर कर्जाचा दर वाढतो. त्यामुळे सामान्य नागरिकांचे हाप्ते वाढतात. आता पर्यंत एकूण ५ वेळा रेपो दर वाढवण्यात आलेत. आता सहाव्यांदा दर वाढल्याने सर्वसामान्यांच्या खिशाला मोठा फटका बसणार आहे.

गृहकर्ज, वाहनकर्ज, वैयक्तिक कर्ज यांचे व्याजदर वाढल्याने मुदत ठेवींवरील व्याजदर देखील वाढतात. रेपो दर वाढल्यानंतर कर्ज घेणाऱ्या ग्राहकांना याचा मोठा फटका बसत आहे. गेल्या डिसेंबर महिन्यात रेपो दर ६.२५ इतका होता. सतत ४ ते ५ वेळा हा रेपो दर वाढवण्यात आला होता. त्यामुळे आधीच हप्त्याचा भार सहन करत असलेल्या नागरिकांचा हप्ता आणखीन वाढला आहे.