Ratnagiri Rain Update : रत्नागिरी जिल्ह्यात पावसाचा जाेर सुरुच आहे. या जिल्ह्यातील संगमेश्वर तालुक्यातील देवरुख कोंढरणमध्ये भुस्खलनाची घटना गुरुवारी घडली. यामुळे कोंढरण गावातील 50 घरातील 80 नागरिकांचे स्थलांतर करण्यात आले आहे. (Maharashtra News)
रत्नागिरी जिल्ह्यात सततच्या पडणा-या मुसळधार पावसामुळे भुस्खलनाच्या घटना तसेच दरड काेसळण्याच्या घटना घडू लागल्या आहेत. जिल्ह्यातील कोंढरण गावात एका घरावर दरड कोसळली. सुदैवाने या घटनेत काेणतीही जीवित हानी झालेली नाही. या गावातील रस्त्यांना, जमिनीला आणि येथील घरांना भेगा पडल्या आहेत. दरम्यान प्रशासनाने तुलसणी हायस्कुलमध्ये रहिवाशांचे स्थलांतर केले आहे.
आयएमडीने रत्नागिरी जिल्ह्यासाठी गुरुवारी पावसाचा (rain) रेड अलर्टची शक्यता वतर्वली हाेती. ही शक्यता गृहीत धरुन जिल्हा प्रशासन अलर्ट माेडवर राहिले. दरम्यान जिल्ह्यात आजही (शुक्रवार) पावसाचा जाेर सुरुच आहे. पावसामुळे काजळी नदीसह बावनदीला पूर आला.
दरम्यान अतिवृष्टीमुळे आपत्कालीन परिस्थिती निर्माण झाल्यास त्याचा परिणाम शालेय विद्यार्थ्यांवर होवू नये यासाठी शाळा (अंगणवाडी, पूर्व प्राथमिक व प्राथमिक 1 ली ते 7 वी पर्यंत) विद्यालयांना आज (शुक्रवार, ता. 28) सुट्टी जाहीर केल्याचा आदेश जिल्हाधिकारी एम देवेंदर सिंह यांनी काढला आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
