कचोरी आणि बिर्याणीत उंदरांच्या लेंड्या, किळसवाण्या प्रकारामुळे नागरिकांचा संताप

पाहिलंत... तुम्हाला वाटलं असेल इतक्या नोटा आल्या कुठून... तर ही आहे एका महिलेनं केलेली तब्बल 8 वर्षांची बचत... मात्र, व्हिडिओत दिसत असलेल्या नोटा कुणी कुरतडल्या?... असा प्रश्न तुम्हाला पडला असेल. त्याचं झालं असं की, उत्तर प्रदेशातील गोंडा येथील एका महिलेनं पतीपासून लपवून लाखो रुपये वाचवले होते. मात्र, तिने बचत केलेल्या पैशांवर उंदरांनी डल्ला मारलाय. या घटनेचा व्हिडिओ व्हायरल होतोय. नेमका हा सगळा प्रकार काय आहे?... ते पाहूयात...

पाहिलंत.... एकीकडे कचोरीत उंदाराच्या लेंड्या आणि दुसरीकडे बिर्याणीच्या भातात उंदराचा मुक्त संचार... हा किळसवाणा प्रकार आपल्याच राज्यातला आहे... एकीकडे FDAनं अन्नातील भेसळीविरोधात मोहिम उभारलेली असताना दुसरीकडे राज्यात खाद्यपदार्थांच्या स्वच्छतेचा आणि नागरिकांच्या आरोग्याशी खेळण्याचा प्रश्न पुन्हा एकदा ऐरणीवर आलाय... वैजापूर शहारात वडीलांनी मुलासाठी आणि कुटुंबियांसाठी मिठाईच्या एका दुकानातून 5 कचोऱ्या खरेदी केल्या...मात्र घरी गेल्यानंतर त्यातील सर्वच कचोऱ्यांमध्ये डझनभर उंदराच्या लेंड्या आढळल्यानं वडिलांचा संताप झालाय...नेमकं काय घडलं ऐका...

दुसरीकडे नालासोपाऱ्याच्या वाकणपाडा परिसरात ‘तबेला चहा जमजम बिर्याणी’ सेंटरमध्येही असाच किळसवाणा प्रकार घडला....बिर्याणीसाठी शिजवलेल्या भातात बसून उंदीर चक्क भात खात असल्याचं दिसतयं... दरम्यान वैजापूरमध्ये कचोरीत उंदाराच्या लेंड्या आढळल्याची बातमी साम टिव्हीनं लावून धरल्यानं एफडीएनं संबंधित मिठाईच्या दुकानावप कारवाई केलीय...

सध्या तुकाराम मुंढे यांनी अन्न व औषध प्रशासन विभागाची सूत्रे हाती घेतल्यापासून कारवाईचा धडाका सुरू आहे. एफडीएची पथकं दररोज राज्याच्या विविध भागांत धाडी टाकत असून, भेसळयुक्त अन्नपदार्थ नष्ट करण्याचं आणि परवाने रद्द करण्यासारख्या कठोर कारवाया करत आहेत...या कारवाईपासून मोठे ब्रँडही सुटले नाहीत...मात्र छोट्या मोठ्या दुकानदारांनी ग्राहकांच्या आरोग्याशी खेळ सुरूच ठेवलाय. त्यामुळे एफडीएनं यांच्याकडे विशेष लक्ष देण्याची गरज आहे. कारण अखेर प्रश्न नागरिकांच्या जीवाचा आहे.