Dharashiv News : आईने तिन्ही चिमुकल्यांसह संपवलं जीवन, ग्रामस्थांची पतीवर कारवाईची मागणी, मृतदेह स्विकारण्यास विराेध

- कैलास चाैधरी

Dharashiv News : धाराशिव तालुक्यातील कोंड येथे एका महिलेने तीन लहान मुलांसह आत्महत्या केल्याची दुर्दैवी घटना घडली आहे. पतीने दारू पिऊन मारहाण केल्याने महिलेने टोकाचे पाऊल उचलल्याची चर्चा परिसरात आहे. (Breaking Marathi News)

या घटनेबद्दल घटनास्थळावरुन मिळालेले माहिती अशी - राणी बनसाेडे यांचे पती बबन यांची नाेकरी गेली. त्यामुळे कुटुंब आर्थिक अडचणीत आले होते. त्या तणावातून पती बबन बनसोडे यांना दारूचे व्यसन लागले. ते दारु पिऊन घरच्या लाेकांना त्रास देत असे. (dharashiv news)

त्यामुळे त्रासाला कंटाळून बबन यांच्या पत्नी राणी बनसोडे या महिलेने राजनंदीनी या सात महिन्याच्या मुलीला घेऊन आणि इतर दोन मुलं अनुषका व राजविर यांना घेऊन आत्महत्या केली. त्यामुळे परिसरात हळहळ व्यक्त केली जात आहे.

कोंड गावात दारूबंदी ठराव घेऊनही व वारंवार निवेदन देऊनही अवैध दारूविक्री सुरुच आहे. त्यामुळे ग्रामस्थांमधून संताप व्यक्त केला जात आहे. जिल्हाधिकारी व प्रशासन जोपर्यंत कारवाई करीत नाही तोपर्यंत मृतदेह ताब्यात घेण्यास गावकऱ्यांनी नकार दिला आहे.

Edited By : Siddharth Latkar