Ahmednagar News: राम शिंदेंचा रोहित पवारांना जोरदार धक्का, एका चिठ्ठीने जामखेड बाजार समितीवर भाजपचा झेंडा

सुशील थोेरात

Jamkhed APMC Election: राष्ट्रवादीचे कर्जत-जामखेडचे आमदार रोहित पवार आणि भाजपचे माजी आमदार राम शिंदे यांचा राजकीय वैर लपून राहिलेलं नाही. ग्रामपंचायत असो की विधानसभा दोन्ही नेते आपल्या मतदारसंघातील मोठ्या ताकदीने एकमेंकांसमोर उभे ठाकतात. दोन्ही नेते एकेमेकांना शह देण्याची एकही संधी सोडत नाहीत.

जामखेड बाजार समितीच्या निवडणुकीतही तसंच झालं. रोहित पवार आणि राम शिंदे यांच्यामुळे जामखेर बाजार समितीच्या निकालाकडे अनेकांचं लक्ष होते. मात्र या निवडणुकीत भाजपचे रोहित पवार यांना धक्का देत बाजी मारली आहे.

जामखेड बाजार समितीच्या निवडणुकीत राम शिंदे आणि रोहित पवार गटाचे समसमान 9 -9 उमेदवार विजयी झाले होते. त्यामुळे ईश्वर चिठ्ठी टाकण्यात आली यात भाजपाने मारली बाजी आहे.

जामखेड कृषी उत्पन्न बाजार समितीच्या सभापतीपदी भाजपाचे शरद कारले हे विजयी झाले आहेत. तर उपसभापतीपदी राष्ट्रवादी काँग्रेसच्या कैलास वराट यांची वर्णी लागली आहे.

विशेष म्हणजे जामखेड बाजार समितीत भाजपाचे आमदार राम शिंदे आणि रोहित पवार यांची प्रतिष्ठा पणाला लावली होती. मात्र जामखेडकरांनी बाजार समितीच्या 18 जागांमधून दोघांना समसमान म्हणजेच 9 - 9 जागा निवडून दिल्या होत्या.

त्यामुळे समितीचा सभापती कोणचा होणार याबाबत उत्सुकता लागली होती. त्यानंतर आज जामखेड समितीच्या सभापती उपसभापतीची निवडणूक ईश्वर चिठ्ठी टाकून करण्यात आली, ज्यात भाजपाने बाजी मारली.