Raksha Bandhan 2022 : रक्षणकर्त्यांसमवेत रक्षाबंधन; पाेलिस ठाण्यात उत्साहाचं वातावरण

नागपूर : बहिण भावांचा अतूट प्रेम आणि नात्यांचा सण म्हणजे रक्षाबंधन. हा सण यंदा (raksha bandhan 2022 festival) विविध संस्थांनी नागपुरातील (nagpur) सक्करदरा पोलीस ठाण्यातील अधिकारी, पाेलिसांसमवेत साजरा केला. रक्षणकर्त्यांच्या समवेत नागरिकांनी सण साजरा केल्याने पाेलिसांत देखील माेठा उत्साह हाेता.

अखिल भारतीय पुलक जन चेतना मंच, राष्ट्रीय जैन महिला जागृती मंच, पूलक मंच परिवार आणि केशवनगर माध्यमिक विद्यालय व कनिष्ठ महाविद्यालयाच्या शिक्षक आणि विद्यार्थ्यांनी यांच्या वतीने सक्करदरा पोलीस ठाण्यातील पोलिसांना, महिला पोलिसांना तसेच पोलीस कर्मचारी यांना रक्षाबंधन निमित्त राखी बांधली.

यावेळी उपस्थितांना मिठाईचे वाटप करण्यात आले. यावेळी पाेलिसांनी देखील चिमुकल्यांना गिफ्ट देऊन रक्षाबंधनच्या शुभेच्छा दिल्या. दरम्यान आज नागपूरात देखील हा सण मोठया उत्साहात साजरा होत आहे.

Edited By : Siddharth Latkar