Raju Shetti Political Decision : महायुती, महाविकासच्या चाचपणीपासून राजू शेट्टी दाेन हात लांब, राजकीय पटलावर एकला चलाे रे...

- रणजीत माजगावकर

Kolhapur News :

शेतकरी विरोधी भूमिका घेणाऱ्यांसोबत जाण्याचा आपला कोणताही निर्णय सध्या तरी नाही असा सूर स्वाभिमानी शेतकरी संघटनेकडून आळवला जाऊ लागला आहे. अर्थातच स्वाभिमानी शेतकरी संघटनेचे नेते राजू शेट्टींचा हा निर्णय म्हणजे सध्या तरी राजकीय पटलावर एकला चलाे रे असाच म्हणावा लागेल. (Maharashtra News)

आज उद्धव ठाकरे पुन्हा एकदा कोल्हापूर हातकणंगले लोकसभा मतदारसंघाचा (hatkanangale lok sabha constituency) आढावा घेणार आहेत. तर ठाकरे गट हातकणंगलेची जागा राष्ट्रवादी शरद पवार गटाला सोडण्याच्या तयारीत असल्याची माहिती सूत्रांकडून कळते.

असं असताना स्वाभिमानी शेतकरी संघटनेचे नेते राजू शेट्टी मात्र निवडणुकांपासून आणि जागा वाटपा पासून सध्या दूर आहेत. सध्याचे सत्ताधारी आणि विरोधक या दोघांचेही मोठ्या प्रमाणात साखर कारखाने आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हे दोन्ही गट शेतकऱ्यांना विरोधात भूमिका घेत आहेत. त्यामुळे महायुती आणि महाविकास आघाडी यांच्यासोबत जाण्यास राजू शेट्टी उत्सुक दिसत नसल्याचं स्पष्ट होत आहे. शेतकरी विरोधी भूमिका घेणाऱ्यांसोबत जाण्याचा आपला कोणताही निर्णय सध्या तरी नाही असेही स्वाभिमान शेतकरी संघटनेकडून सांगण्यात येत आहे. त्यामुळे शेट्टी यांची सध्या तरी राजकीय पटलावर एकला चलाे रे अशी भूमिका दिसून येत आहे.

Edited By : Siddharth Latkar