Bhaubeej 2023: साहेब, लहान बहिण म्हणून समजून घ्या... जनरल मोटर्सच्या कामगारांच्या पत्नींची आर्त हाक

Sangli News :

भाऊबीज निमित्त तळेगाव दाभाडे एमआयडीसी मधील बंद पडलेल्या जनरल मोटर्सच्या कामगारांच्या पत्नींनी आज (गुरुवार) कामगार मंत्री सुरेश खाडे यांची भेट घेऊन जनरल मोटर्स कंपनीतील कामगारांचा प्रश्न तातडीने निकाली काढा, हीच आमची भाऊबीज भेट ठरले अशी मागणी करणार असल्याचे साम टीव्हीशी बाेलताना सांगितले. यावेळी मंत्री खाडे यांच्या सांगली येथील बंगल्यावर पाेलीसांचा माेठा बंदाेबस्त हाेता. (Maharashtra News)

पुण्यातील जनरल मोटर्स या अमेरिकन कंपनीचा तळेगाव पुणे मधील प्रकल्प एका नामांकित कंपनीला विकला जात आहे. हा करार होत असताना जनरल मोटर्सच्या १००० कायमस्वरूपी कामगारांचा रोजगार नव्याने येणाऱ्या कंपनीत दिला जात नाही.

नवीन येणाऱ्या कंपनीमध्ये जनरल मोटर्सच्या सर्व कामगारांच्या सेवा शर्तीसहीत नोकऱ्या हस्तांतरित व्हाव्यात अशी कामगाराची प्रमुख मागणी आहे. शासनाकडून कामगारांच्या प्रश्नाचे गांभीर्याने दखल घेतली जात नसल्याने कामगारांनी कामगार मंत्र्याच्या घरासमोर आजं धडक मारली. यावेळी कामगारांसमवेत त्यांच्या पत्नी देखील हाेत्या.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आम्हांला कुटुंब अथवा प्रपंच चालविताना फार माेठी आर्थिक अडचण भासत आहे. तरी आमची मागणी करुन भाऊबीजेचे मंत्री महाेद्यांनी गिफ्ट द्यावे अशी भावना कामगरांच्या पत्नींनी साम टीव्हीशी बाेलताना व्यक्त केली.

Edited By : Siddharth Latkar