- अक्षय गवळी
अकाेला येथे शुक्रवारी रात्रीच्या सुमारास आणि आज (शनिवार) पहाटे झालेल्या पावसामुळे अकोला पोलिस दलाने पाेलिस भरती प्रक्रियेत बदल केला आहे. आजची (ता. 22 जून) हाेणारी तब्बल 1 हजार उमेदवारांची मैदानावरील शारीरीक चाचणी रद्द केली. त्यानंतर पाेलिस दलाने नवे वेळापत्रक जाहीर केले.
पाेलिस भरती प्रक्रिया 8 जुलैपर्यंत आहे. ती एक दिवस पुढे गेली आहे. आजच्या पावसामुळे आज रोजी आलेल्या उमेदवारांना शारीरीक चाचणीसाठी पुढील 9 जुलैची तारीख देण्यात आली आहे. आज हजर असलेल्या उमेदवारांची कागदपत्र पडताळणी तसेच उंची व छातीचे मोजमाप घेण्यात येणार आहे.
मात्र जे उमेदवार पावसामुळे भरती प्रकीयासाठी उपस्थित राहु शकले नाहीत, त्यांची कागदपत्र पडताळणी, उंची व छाती मोजमाप व शारीरीक चाचणीची संपुर्ण प्रक्रीया 9 जुलैला घेण्यात येणार आहे. विशेष म्हणजे पावसामुळे सर्व उमेदवारांची तात्पुरती थांबण्याची व्यवस्था अकोला पोलिस लॉन येथे करण्यात आली होती.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
