Rain Alert : राज्यातील या जिल्ह्यांना पुढचे ३ तास अलर्ट; आज पुन्हा विजांचा कडकडाट, वादळी वाऱ्यासह पावसाची शक्यता

पश्चिम महाराष्ट्रासह राज्यातील काही जिल्ह्यांना अवाकाळी पावसाने अनेक जिल्ह्यांना झोडपून काढलं होतं. पुणे शहर तर जलमय झालं होतं. हवामान खात्याने आजही राज्यातील काही जिल्ह्यांना पुढचे ३ तास अलर्ट दिला आहे. वीजांचा कडकडाट, वादळी वाऱ्यांसह वळवाचा पाऊस पडण्याचा अंदाज वर्तवण्यात आला आहे. सांगली, कोल्हापूर, सातारा, पुणे, अहमदनगर, नंदुरबार, सोलापूर, छ. संभाजीनगर, बीड, लातूर, नांदेड, धाराशिव, चंद्रपूर, अमरावती, नागपूर या जिल्हांना अलर्ट देण्यात आला आहे.

शुक्रवारी अवकाळी पावसाने राज्यातील अनेक जिल्ह्यांना झोडपून काढलं होतं. पुणे, सांगली, अहमदनगर , छत्रपती संभाजीनगर या जिल्ह्यांमध्ये सध्या अवकाळी पाऊस पडत आहे. दरम्यान काल अचानक आलेल्यामुळे नागरिकांची तारंबळ उडाली. या पावसामुळे अनेक ठिकाणी मोठे नुकसान देखील झाले आहे. पुण्यातील रस्ते तर जलमय झाले होते.

शनिवारी आणि रविवारी राज्यात अवकाळी पावसाचा जोर वाढणार, असल्याचा इशारा हवामान खात्याने दिला आहे. येत्या २४ तासांत कोकण किनारपट्टीसह, विदर्भ तसेच मराठवाड्यातील काही भागात मुसळधार पावसाच्या सरी कोसळतील, अशी शक्यता वर्तवण्यात आली आहे. पुढचे तीन तास अलर्ट देण्यात आला आहे.

यापार्श्वभूमीवर राज्यातील काही जिल्ह्यांना ऑरेंज अलर्ट जारी करण्यात आला आहे. तर विदर्भातील काही जिल्ह्यांमध्ये गारपीट होण्याची शक्यता वर्तवण्यात आली आहे. रविवारी चंद्रपूर जिल्ह्याला गारपीट होण्याची शक्यता आहे. पुणे, लातूर, नांदेड तसेच सातारा जिल्ह्याला ऑरेंज अलर्ट देण्यात आला आहे. मुंबईसह उपनगरात देखील अवकाळी पावसाच्या सरी बरसतील, असा अंदाज हवामान खात्याने वर्तवला आहे.