Navneet Rana Controversial Statement: “काँग्रेसला मतदान करणं म्हणजे…”, नवनीत राणांवर गुन्हा दाखल करा; अमरावतीत काॅंग्रेस आक्रमक

- अमर घटारे

काँग्रेसला मत देणं म्हणजे थेट पाकिस्तानला मत देणं या भाजप खासदार नवनीत राणा यांच्या वक्तव्याचा आज (शनिवार) अमरावती येथे काॅंग्रेसने निषेध नाेंदविला. काँग्रेस नेते किशोर बोरकर यांनी राणा यांच्या वक्तव्याबाबत राजापेठ पाेलिस ठाण्यात तक्रार दिली आहे. (Maharashtra News)

किशोर बोरकर म्हणाले अमरावतीच्या भाजप उमेदवार नवनीत राणा यांनी हैदराबाद मध्ये वादग्रस्त वक्तव्य केले आहे. त्यांचे वक्तव्य म्हणजे मतदात्यांचा अपमानास्पद हाेईल असेच आहे. मतदाता आपल्या विवेक बुद्धीने मतदान करायला जाताे. परंतु राणा सारख्या नेत्यांनी निषेर्धाह वक्तव्य करुन मतदात्यांचा देखील अपमान केला आहे.

बाेरकर पुढं बाेलताना म्हणाले तेलंगणा येथे राणांवर गुन्हा दाखल झालेला आहे. त्यांनी केलेल्या वक्तव्याचा आम्ही निषेध नाेंदवून आज राजापेठ पाेलिस ठाण्यात त्याबाबत तक्रार दिली आहे. राणा यांच्यावर गुन्हा दाखल करावा अशी मागणी बाेरकर यांनी केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar