Raigad News : दारुच्या नशेत तोल गेला, इमारतीवरुन पडून 35 वर्षीय व्यक्तीचा मृत्यू

>> सचिन कदम

रायगड : दारू पिणे आरोग्यासाठी घातक असते असं म्हटलं जातं. दारुमुळे अनेकांचं आयुष्य उद्ध्वस्त झाल्याचं तुम्ही पाहिलं, ऐकलं असेल. असाच एक प्रकार रायगडमध्ये समोर आला आहे. दारुमुळे एका 35 वर्षाय व्यक्तीला जीव गमवावा लागला आहे.

दारु पिल्यानंतर इमारतीच्या चौथ्या मजल्यावरून पडून 35 वर्षीय व्यक्तीचा मृत्यु झाल्याची घटना महाड तालुक्यातील काळीज या गावी घडली आहे.राजेश यादव असे मयत इसमाचे नाव असून तो मूळचा उत्तर प्रदेशचा रहिवाशी आहे. (Latest News)

दारुच्या नशेत तो राहत असलेल्या इमारतीच्या चौथ्या मजल्यावर गेला होता. त्यावेळी त्याचा तोल गेला आणि तो खाली कोसळला. त्याचा मृतदेह प्राथमिक आरोग्य केंद्र बिरवाडी येथे शवविच्छेदनाकरिता पाठवण्यात आला असून या प्रकरणी महाड एमआयडीसी पोलीस अधिक तपास करीत आहेत.