Raghunath Dada Patil News : ...तर साखर कारखान्याच्या अंतराची अट काढून टाका : रघुनाथदादा पाटील

Sangli News :

ऊसाला पाच हजार भाव देणे शक्य नसेल तर साखर कारखान्याच्या अंतराची अट काढून टाका अशी मागणी शेतकरी संघटनेचे नेते रघुनाथदादा पाटील (raghunath dada patil) यांनी केली आहे. दरम्यान कारखानदार म्हणजे अलिबाबा चाळीस चोर झाले आहेत अशी टीका देखील पाटील यांनी सांगली (sangli latest marathi news) येथे केली. (Maharashtra News)

पाटील म्हणाले ट्रॅक्टर आणि शेती साहित्यांच्या बाबतीत केंद्र सरकारचा एमआरपीचा कायदा आहे. परंतु कंपन्या त्याचे पालन करीत नसल्याचे प्रकर्षाने दिसून येत आहे. या लुटारु कंपन्यांच्या प्रमुखांना पद्मविभूषण, पद्मश्री पुरस्कार दिले जाताहेत. केंद्र सरकारची ही भूमिका याेग्य नसल्याचे पाटील यांनी नमूद केले.

दरम्यान शेतक-यांच्या उसाला योग्य भाव देण्याऐवजी साखर सम्राटांकडून लूटण्याचा उद्योग सुरु आहे असेही पाटील यांनी म्हटले. ते म्हणाले ऊसाला पाच हजार रुपये दर देणे हे साखर कारखान्यांना सहज शक्य आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जर त्यांना ते देता येत नसेल तर दोन कारखान्यातील अंतराची अट काढून टाकावी अशी मागणी देखील शेतकरी संघटनेचे नेते रघुनाथदादा पाटील यांनी केली. हे कारखानदार म्हणजे अलिबाबा चाळीस चोर झालेत अशी टिप्पणी पाटील यांनी कारखानदारांवर केली.

Edited By : Siddharth Latkar