अक्षय बडवे
पुणे : मागील काही दिवसांपासून पुणे शहरात सराईत गुंडांकडून वाहनांच्या तोडफोडीचे प्रकार सुरू आहे. (Pune) सहकारनगर, भारती विद्यापीठ पाठोपाठ आता खडकी पोलीस (Police) ठाण्याच्या गुन्हेगारांकडून कोयत्याने आणि लाकडी दांडक्याने वाहनांची तोडफोड करण्यात आली आहे. (Breaking Marathi News)
पुण्यातील खडकी परिसरात दहशत निर्माण करण्याच्या उद्देशाने आरोपींनी मध्यरात्रीच्या सुमारास कोयत्याने आणि दांडक्याने पार्क केलेल्या गाड्यांची तोडफोड केली. तर पडवळ वस्तीतील नागरिकांच्या घराच्या बाहेरून (Crime News) कड्या लावल्या. हातातील हत्यारे हवेत उंचावून आरोपींनी आम्ही येथील भाई आहोत, आमच्या नादाला कोणी लागल्यास एकेकाला बघून घेऊ; असे म्हणत दहशत निर्माण केली.
६ जणांवर गुन्हा दाखल
औंध रस्त्यावरील वीर भगतसिंग चौकात 16 जुलैच्या रात्री हा प्रकार घडला आहे. याप्रकरणी ओंकार युवराज सोकटे यांनी तक्रार दिली आहे. त्यानुसार आदित्य भारती शेडगे, तेजस उर्फ बलमा गायकवाड यांच्यासह ६ जणांवर गुन्हे दाखल केले असून यातील ४ आरोपी अल्पवयीन आहेत. खडकी पोलिस अधिक तपास करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
