Pune Crime News : घृणास्पद कृत्य; टोळक्याने अल्पवयीन मुलाला खाऊ घातली कबुतराची विष्टा

अक्षय बडवे 

पुणे : कबुतर चोरले म्हणून टोळक्याने हत्यार फिरवत दहशत माजवली. इतकेच नाही तर अल्पवयीन (Pune) मुलाला त्याच कबुतराची विष्टा खाऊ घातल्याचा धक्कादायक प्रकार घडला आहे. पुण्यातील कात्रज (Katraj) भागात २५ जुलै रोजी ही घटना घडली असून अल्पवयीन मुलाच्या वडिलांनी याप्रकरणी तक्रार दिली आहे. (Latest Marathi News)

पोलिसांनी दिलेल्या माहितीनुसार अल्पवयीन मुलाने आरोपींच्या जागेवरून कबुतर चोरले होते. याचा राग मनात धरून आरोपींनी या अल्पवयीन मुलाचा शोध घेण्यासाठी कात्रज भागात हत्यार घेऊन दहशत माजवली. कोणी मध्ये आले तर एका एकाला तोडून टाकेल, अशी धमकी देत या तरुणांनी हैदोस घातला. त्या अल्पवयीन मुलाला शोधून त्याला गाडीवर घेऊन एका ठिकाणी नेले आणि त्याला त्या ठिकाणी कबुतराची विष्टा खाऊ घातली. 

तिघांवर गुन्हा दाखल 
जर हे कोणाला सांगितलं तर तुला जिवंत ठेवणार नाही; अशी धमकी या आरोपींनी त्याला दिली. घडलेला सगळा प्रकार अल्पवयीन मुलाने वडिलांना येऊन सांगितला. तेव्हा त्यांनी पोलिसात धाव घेत तक्रार दिली आहे. यावरून गणेश दोडमणी, ओम पंडित, अमोल आदम या तरुणांवर भारती विद्यापीठ पोलिस (Police) ठाण्यात या प्रकरणी गुन्हा दाखल केला आहे.