Nitesh Rane: नितेश राणेंच्या घराबाहेर घातपाताचा प्रयत्न?'सुवर्णगडा'वर नेमकं काय घडलं?

ही व्हिडिओ नीट पाहा. मंत्री नितेश राणेंच्या शासकीय निवासस्थाबाहेरील सीसीटिव्हीत ही दृश्य कैद झालीयेत. सुवर्णगड या राणेंच्या शासकीय निवासस्थानाबाहेर एक तरुण बॅग ठेवताना दिसत आहे. य़ा बॅगेमुळे एकच खळबळ उडालीय. राणेंच्या घराबाहेर घातपाताचा प्रयत्न होता का? असा सवाल यानिमित्तानं उपस्थित केला जातोय. पोलिसांकडून बॅगेची तपासणी करण्यात आल्य़ानंतर बॅगेत एक चिठ्ठी आढळल्याचंही बोललं जातयं.

वादग्रस्त विधानांमुळे आणि हिंदुत्ववादी भूमिकेमुळे नितेश राणे चर्चेत आहेत. अशातच महापालिका निवडणुकीत नितेश राणे आक्रमकपणे भाजपचं हिंदुत्व पोहचवण्याचं काम करताय. बॅगेच्या घटनेनंतर नितेश राणेंनी इशारा दिलाय. राणेंच्या घराबाहेर तरुणाने ती बॅग का ठेवली? मंत्र्यांच्या घराबाहेर बंदोबस्त असताना तरुणाला रोखण्यात का आलं नाही? असे अनेक सवाल उपस्थित होतायत...सुवर्णगड प्रकरणाच्या सखोल तपासानंतर सत्य बाहेर येईलच. मात्र महापालिकेसाठीचं मतदान चार दिवसांवर आलं असताना घडलेल्या या घटनेनं मंत्र्यांच्या सुरक्षेचा मुद्दाही समोर आला आहे.