Ganpati Visarjan 2023 : गणेश विसर्जन मिरवणुकीत दगडफेक करणा-या 15 समाजकंटकांवर गुन्हा दाखल

Ganesh Visarjan 2023 : कवठळ गावात गणेश विसर्जन मिरवणुकीवर समाजकंटकांनी दगडफेक केली हाेती. जो पर्यंत दगडफेक करणा-यांना अटक होत नाही तो पर्यंत गणपतींच्या मूर्तीचे विसर्जन करणार नाही असा पवित्रा गावकऱ्यांनी घेत विसर्जन मिरवणूक थांबविली हाेती. दरम्यान पाेलीसांनी 15 समाजकंटकांवर गुन्हा दाखल केला आहे. (Maharashtra News)

बुलढाणा जिल्ह्यातील कवठळ येथे सार्वजनिक गणेश मंडळाच्या विसर्जन मिरवणुकीवर अज्ञात समाजकंटकांनी दगडफेक आणि विटांचा मारा केला होता. या दगडफेकेत चार गणेशभक्त जखमी झाले.

त्यानंतर गणेश भक्तांनी विसर्जन मिरवणूक जवळपास चार तास एकाच ठिकाणी थांबवून ठेवली तसेच समाजकंटकांना अटक करण्याची मागणी केली. पोलीस अधिकारी प्रमोद उलेमाले यांनी ग्रामस्थांची चर्चा करून विसर्जन शांततेत पार पाडलं.

या प्रकरणी पंधरा जणांवर दंगलीचे गुन्हे दाखल करण्यात आले आहेत अशी माहिती पाेलीसांनी दिली. सर्व संशयितांचा शाेघ घेतला जात आहे. सध्या या गावात शांतता असून पोलिसांनी मोठ्या प्रमाणात बंदोबस्त लावला आहे.

Edited By : Siddharth Latkar