पिंपरी चिंचवड : पिंपरी चिंचवड शहरात राज्य उत्पादन शुल्क विभागाच्या पथकाने मोठी कारवाई केली आहे. या कारवाईत बनावट विदेशी मद्य तयार करण्यात येणार कारखाना उध्वस्त करण्यात आला आहे. नाताळ व नववर्षाच्या पार्श्वभूमीवर हि मोठी कारवाई मानली जात आहे.
राज्य उत्पादन शुल्क विभागाला मिळालेल्या माहितीवरून पिंपरी येथे एका हॉटेलसमोर पथकाने सापळा रचून एका ऑटो रिक्षावर कारवाई केली आहे. या कारवाईमध्ये ऑटो रिक्षामध्ये स्वस्त दर्जाच्या रिकाम्या दारू बाटलीत महागडी स्कॉच दारू रिसीव करून भरण्यात येत असल्याचे आढळून आले. त्यानंतर राज्य उत्पादन शुल्क विभागाने ऑटो रिक्षा चालक आणि ऑटो रिक्षामधील दारू वाहतूक करणारा मालक धनजी जेटा पटेल याना ताब्यात घेत चौकशी केली.
दोघांची चौकशी केली असता त्याने मारूनजी येथील स्प्रिंग बुड्स सोसायटी मधील फ्लॅट नंबर 201 या ठिकाणी ही बनावट दारू तयार केल्याचे सांगितले. त्यानंतर राज्य उत्पादन शुल्क विभागाने स्प्रिंग वूड सोसायटीच्या फ्लॅटमध्ये धाड टाकली. त्या ठिकाणी एक लिटर क्षमतेच्या १८ सीलबंद दारू बाटल्या, तसेच विविध ब्रँडच्या उच्च प्रतीच्या स्कॉच दारूच्या ११० रिकामा वाटल्या, बुचे, लेबल, इतर साहित्य आढळून आले.
५ लाख ९६ हजाराचा मुद्देमाल हस्तगत
राज्य उत्पादक शुल्क विभागाच्या पथकाने रिकाम्या बाटल्यांसह तीन चाकी ऑटो रिक्षा, एक दुचाकी वाहन, एक मोबाईल फोन असा ऐकून पाच लाख ९६ हजार ५१० रुपये किमतीचा मुद्देमाल राज्य उत्पादन शुल्क विभागाने जप्त केला. तसेच संशयित आरोपी धनजी जेटा पटेल आणि ऑटो रिक्षा चालक शिवाजी धाकतोडे या दोघांना अटक केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
