पिंपरी चिंचवड : पिंपरी चिंचवड शहरातील पिंपळे गुरव परिसरात एका मद्यधुंद अवस्थेत असलेल्या गावगुंडाने चार चाकी वाहनांची तोडफोड केली आहे. एकामागून एक गाड्यांवर दगड फेकून मारत गाड्यांचे काच फोडले आहेत. इतकेच नाही तर वागरिकांवर देखील दगड भिरकावून मारले असता यात एक वयोवृद्ध महिला थोडक्यात बचावली आहे.
पिंपरी चिंचवड (Pimpri Chinchwad) शहरातील पिंपळे गुरव येथील लक्ष्मी नगर या ठिकाणी एका मद्यधुंद गाव गुंडाने चार चाकी वाहनांची तोडफोड केली आहे. मद्यधुंद गावगुंडाने दगड भिरकावून जवळपास पाच- सहा चार चाकी वाहनांची तोडफोड केली आहे. स्थानिक नागरिकांमध्ये दहशत निर्माण करण्याच्या उद्देशाने गावगुंडाने वाहनांची तोडफोड केली आहे. या प्रकरणात सांगवी पोलिसांनी वाहनांची तोडफोड करणाऱ्या मद्यधुंद गुंडाला ताब्यात घेतला आहे. वाहनांची तोडफोड केल्याप्रकरणी सांगवी पोलीस (Police) स्टेशनमध्ये गुन्हा दाखल करण्याची प्रक्रिया सुरू आहे.
महिला थोडक्यात बचावली
परिसरात सदरचा प्रकार सुरु असताना आजूबाजूला नागरिकांची गर्दी देखील जमली होती. यावेळी सदर इसमाने नागरिकांच्या दिशेने देखील दगड भिरकावले. यात एक वयोवृद्ध महिला थोडक्यात बचावली आहे. दरम्यान गाड्यांचे काच फोडल्याने यात मोठे नुकसान झाले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.