पिंपरी चिंचवड : देशी कट्ट्याचा धाक दाखवून लुटमार करणारी टोळी सक्रिय झाली होती. अनेकांची लूटमार केल्याच्या घटना घडल्यानंतर पोलीस यांच्या मागावर होते. त्यांचा शोध घेत हिंजवडी पोलिसांनी टोळीला बेड्या ठोकल्या आहेत. तसेच या टोळीकडून हिंजवडी पोलिसांनी एक देशी कट्टा, चार जिवंत काडतूस, आणि सोन्याचे दागिने जप्त केले आहेत.
पोलिसांनी ताब्यात घेतलेले अजय शंकर राठोड आणि जिशान जहीर खान अशी लोकांना लुटणाऱ्या अट्टल गुन्हेगारांची नावे आहेत. गावठी कट्ट्याचा धाक दाखवून हे दोघे भर रस्त्यावर लूटमार करायचे. दरम्यान सुसउडान पुलाखाली अजय शंकर राठोड आणि जिशान जहीर खान हे लोकांना लुटण्यासाठी दबा धरून बसले आहेत; अशी गोपनीय माहिती हिंजवडी पोलिसांना मिळाली होती. त्या गोपनीय माहितीच्या आधारे पोलीसांनी सापळा रचून दोन्हीं आरोपींना बेड्या ठोकल्या आहेत.
दोघांवर यापूर्वीही गुन्हे दाखल
पोलिसांनी ताब्यात घेतलेले अजय राठोड आणि जिशान खान हे रेकोर्ड वरील गुन्हेगार असुन त्यांच्यावर हिंजवडी पोलीस स्टेशनमध्ये ४ आणि चातुष्रुंगी २ असे एकूण सहा गंभीर गुन्हे दाखल आहेत. लुटमारीच्या गुन्ह्यात ताब्यात घेतलेल्या दोघांकडून मुद्देमाल हस्तगत केला असून पोलीस त्यांची कसून चौकशी करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.